Iniwan nga ako ng mga kaibigan ko sa labas kasama si Greg. Pumasok silang muli sa bahay na may kasamang tawanan. Sa pagkalawa nila sa paningin ko'y doon ko pa lang nilingon si Greg. Nakatayo lang siya ng ilang hakbang ang layo mula sa akin. Ang mga mata nami'y nagkasalubong at sabay pa kaming nag-iwasan ng tingin na tila baga nahihiya. Pareho namang nawala ang tama ng alak sa amin at kami'y nahimasmasan.
"Ah, so ano na?" pilit kong sabi sa gitna ng kabadong dibdib. Hindi ako tumingin kay Greg kasi nga kinakabahan talaga ako ng sobra. Ganito pala ang pakiramdam kapag nasabi mo ang lahat. Wala kang ibang naiisip kundi sa kung anong iniisip ng kasama mo. Sa sitwasyon ko'y si Greg pa kaya medyo mahirap.
Isinuot ko ang aking sapatos na aking pinangbato habang inaantay siyang magsalita.
"Hin
