NAG-ANGAT ng tingin si Ava patungo sa nakasarang pinto sa opisina ni Dimitri nang nakarinig siya ng mahinang katok na nanggaling sa labas.
"Come in," wika naman niya kung sino ang kumakatok.
Mayamaya ay bumukas iyon at pumasok do'n ang secretary ni Dimitri.
"Ma'am, nandito na po iyong order niyo," imporma nito sa kanya.
Napatingin naman siya sa hawak nitong plastic at hindi niya napigilan ang pagsilay ng ngiti sa labi nang makita makita ang laman niyon. Hindi lang iyon, nalanghap din niya ang in-order niyang pagkain sa fastfood.
Nasa opisina siya ni Dimitri ng sandaling iyon. Sinama kasi siya ulit nito ng pumasok ito sa trabaho. Nasa meeting ngayon ang lalaki at habang hinihintay ito ay nakaramdam siya ng gutom kaya um-order siya online at pina-deliver niya iyon sa opisina ni Dim
