NAPANSIN ni Ava ang pagtitinginan ng ilang empleyado ni Dimitri ng pumasok sila sa loob kompanya. Napansin nga din niya ang tingin ng mga ito sa kanya, nagtataka siguro ang mga ito kung sino siya. At kung bakit kasama na naman siya ni Dimitri doon.
Iyon ang pangalawang beses na nakapunta si Ava sa Gotti's Group of Companies. Isinama kasi siya nito sa pagpasok nito sa trabaho, wala naman siyang ideya kung bakit siya nito isinama at hindi naman siya nagtanong pa dahil alam naman niyang hindi siya nito sasagutin. At saka ayaw yata nito na lagi siyang nagtatanong. Napapansin kasi niya na na nagsasalubong ang mga kilay ni Dimitri kapag nagtatanong siya.
Pero sinasagot ka naman niya, wika naman ng isipan niya.
Hindi naman niya sinalungat ang sinabi ng isipan dahil tama ito, mukhang galit s
