MASAKIT ang ulo ni Ava ng magising siya. Nakapikit pa din ang mga mata na tumaas ang kamay niya patungo sa ulo para masahiin iyon.
Saglit nga niyang minasahe ang ulo bago niya iminulat ang mga mata. Bumangon din siya mula sa pagkakahiga niya pero mayamaya ay natigilan siya ng makita niya ang paligid. Hindi pamilyar sa kanya ang nakikita niya ng sandaling iyon. Sinubukan niyang ilibot ang tingin pero hindi pamilyar sa kanya ang nakikita.
Nasa isang maliit na kwarto siya. Medyo pinagpapawisan nga din siya dahil nakasarado ang bintana at wala man lang aircon. May nakita nga din siyang basyo ng bote ng alak at sigarilyo sa loob ng kwarto. Kaya pala parang may amoy ng usok ng sigarilyo siyang naaamoy.
Pero nasaan siya at bakit siya naroon?
Pilit namang inaalala ni Ava kung ano ang nangya
