Kabanata 14
NAKANGITI si Chuck habang nakatingin kay Ian. Nakaupo si Ian sa may audience bench habang siya naman ay nasa loob ng tennis court. Inaya niya itong manood ng practice game nila ngayon dahil gusto niyang libangin ang babae. At syempre pa, nagpapa-impress din siya rito. Baka kasi kapag nakita nito ang galing niya sa paglalaro ng tennis ay tuluyan na itong magkagusto sa kanya.
Nahahawa ka na ng kayabangan kay Cloud, Chuck. Malala ka na, aniya sa isip.
Kinawayan niya si Ian na gumanti naman ng kaway sa kanya. Kasabay nang pagkaway niyang iyon ay ang tila pagkaway na rin ng kanyang puso papalayo sa kanya. Tila nga ba nakikita na niya ang puso niyang lumilipad papunta kay Ian. Napailing na lamang siya dahil sa naisip na iyon. Nagiging corny na talaga siya. Baka kapag tumagal-tagal
