Wakas
MASAKIT ang ulo ni Ian nang magising siya subalit pinilit pa rin niyang bumangon. Ngayon kasi ang Foundation Day ng SVU at kasali siya sa singing contest kaya dapat siyang makapasok. Kahit na gaano pa kasama ang pakiramdam niya ay papasok siya, kahit anong mangyari. Kahit na ba mag-isa lamang siya mamaya. Kahit na walang pumalakpak para sa kanya. Kahit na walang sumuporta sa kanya.
Napahawak siya sa kanyang ulo at umayos ng upo sa kanyang kama. Hindi na niya maalala kung sino ang naghatid sa kanya kagabi at kung papaano siya nakauwi. Siguro ay isa sa mga kaibigan niya. Naparami kasi masyado ang inom niya dahil sa kagustuhan niyang takasan ang kanyang problema.
"Chuck..." mahinang wika niya nang mapatingin sa teddy bear sa kanyang tabi. Kinuha niya iyon at niyakap nang mahigpit.
M
