TAHIMIK lang na sumunod si Serena sa pagbaba. Nasa kalagitnaan na siya nang hagdanan nang matanaw niya ang mga bisita ni North sa may sala.
Tatlong lang ang babaeng nakita niyang naroon and the rest ay mga lalaki na at kausap si North.
Napalunok siya nang biglang bumalik sa isip niya ang nangyari kahapon. Inilibot niya ang paningin sa kabuuan ng sala. Wala ng bakas na may nangyaring gulo kahapon dito. Iba na rin ang vase na nakapatong sa may center table.
Pero sariwa pa rin sa isip niya kung paano siya muntik ng pagsamantalahan ni Efren Echavez. Ang pagdating nina North at Zephieru at ng mga tauhan nito.
Parang nakikita pa rin niya ang kaniyang sarili sa gitna ng sala na mahigpit na hawak ng lalaki habang tinututukan ng baril sa ulo.
Buong gabing hindi siya pinatulog sa nangyari. M
