WINDANG na napatitig na lang si Serena sa hindi pa rin niya kilalang lalaking nasa harap niya. Ayaw niyang isipin na iyon nga ang gustong mangyari ni Selena. Na gusto nitong perahan si North at pabagsakin sa pamamagitan niya. Pero sa mga pinagsasabi nitong lalaking kaharap niya, alam niyang iyon ang masaklap na katotohanan.
"Umalis ka na,” taboy niya rito. "Darating na ang asawa ko kaya umalis ka na." sabi pa niya, nagbabasakaling matakot ito.
Pero dumilim lang ang mukha nito at naging mabalasik ang anyo.
“Ngayon tinataboy mo na ako. Bakit? Dahil ba sa De Sandiego na iyon? May nangyayari na ba sa inyo?” sunud-sunod na tanong nito sa kaniya sa galit na boses.
Pero halos mapatili siya sa gulat nang sunggaban siya nito ng yakap at halik-halikan sa kaniyang tainga!
“Damn! Ilang araw na a
