KUMUYOM ang mga kamao ni North nang mabasa niya lahat ng reports ni Zephieru tungkol sa totoong Serena at sa totoong Selena.
"I'm not sorry, na binigyan kita ng edited version ng mga reports ko noon dahil naiinis pa rin ako sa 'yo sa ginawa mo sa guwapo kong mukha." Tinuro pa ng hintuturo nito ang pasa nito sa kaliwang pisngi nito.
Nasuntok kasi niya ito nang muntik na nitong ipahamak si Serena nang ibangga nito ang sasakyan sa poste ng Meralco. Mabuti na lang at gumana kaagad ang airbag ng sasakyan nito kaya bukol lang sa ulo ang tinamo ng asawa niya.
Masama lang niya itong tiningnan. Nakibit lang din ito ng balikat at ngumisi.
"Pero brod, lahat naman ng mga impormasyon na ibinigay ko sa 'yo tungkol sa dalawa ay totoo talaga, it's just that, pinagpalit ko lang ang mga names nila at
