INILAPAG ni Serena ang isang basket ng bulaklak na dala niya sa ibabaw ng puntod ng kaniyang ama, saka hinarap si Manong Ben.
Isa ito sa mga caretaker rito sa cemetery na pinakiusapan niya na linisin ang puntod ng mga magulang at lola Ida niya, dalawang beses sa isang buwan.
“Salamat po, Manong Ben,” aniya at inabot ang dalawa pang basket ng bulaklak na dala nito na para naman sa mama at lola Ida niya.
Nang makita siya nito kanina sa may gate ng cemetery na may dala-dalang tatlong basket ng bulaklak ay kaagad siya nitong tinulungan at sinamahan siya hanggang dito.
“Wala pong anuman ‘yon, hija,”
Inabutan niya ito nang isang daan, bayad sa pagtulong nito sa kanya. Pero kaagad naman itong tumanggi dahil malaki naman daw ang sahod nitong tinatanggap mula sa kaniya.
“Naku, Manong, ang b
