GABING-GABI na pero hindi pa rin makatulog si Serena. Iniisip pa rin niya kung paano niya matutulungan si Selena at mailigtas ito sa mga kamay ni Emir Arslan.
Sumasakit na nga ang ulo niya sa sobrang pag-iisip at pag-aalala. Kung sino ang lalapitan niya ngayon na puwedeng makatulong sa kaniya.
“Si Zephieru…” sambit niya nang maisip ang lalaki.
Mabilis siyang bumangon at tumayo. Pero agad din siyang napaupo ulit at natutop ang kaniyang noo nang makaramdam siya nang pagkahilo.
Ipinilig niya ang ulo at hindi muna siya gumalaw. Nang mawala ang hilong nararamdaman saka siya tumayo ulit. Kinuha niya ang bagong bili niyang cellphone sa kaniyang bag para matawagan si Zephieru.
Hawak na niya ang cellphone nang maisip niyang wala pala siyang number sa telepono nito. Nanlulumong ibinalik na la
