NANGINGITING pinagmamasdan ni Serena ang batang si Cloud habang magana itong kumakain ng hapunan. Namumula pa rin ang ilong nito at namamaga ang mga mata na halatang kagagaling lang nito sa matinding pag-iyak.
Sabi ng dalawang yaya na kasama nitong nagpunta rito, kaninang umaga pa raw nag-iiyak ang bata, nagwawala at ayaw kumain dahil nagpupumilit daw na pumunta rito para makita siya. Eh, hindi naman daw alam ng mga ito kung sino siya dahil tanging drawing lang ni Cloud sa iPad nito ang ipinakita. At may nakasulat na ‘I want mommy Sere.’
Saka lang daw nila naunawaan nang makausap ng lola ng bata ang anak nitong si Columbus. Bumalik na raw kasi sa pagsampa ng barko ang lalaki kaya sa lolo’t lola ng bata ang mga ito humingi ng tulong dahil ayaw talagang tumigil ni Cloud sa pag-iyak.
Tahim
