ONE YEAR LATER....
“H-huwag! Nakikiusap ako, ibibigay ko sa’yo lahat ng gusto mo! Babayaran kita ng doble sa ibinayad nila sayo, huwag mo lang akong patayin!
May pamilya pa ako na naghihintay sa akin...” nagmamakaawang sabi ng isang may edad na lalaki, dama ang matinding takot sa tinig nito habang nakaluhod at nakikiusap sa taong nakatayo sa harapan nito, nakatutok ang baril sa tapat ng kan’yang mukha.
Ngunit ang taong kaharap nito ay nanatiling blangko ang mukha.
Wala ni katiting na awang makikita sa mukha nito at ang tingin lang nito sa taong nagmamakaawa sa kanyang harapan ay isang bagay na walang halaga sa mundo.
“Tsuuugghh!” “Ahhk!” tanging daing at tunog ng silencer ang sumunod na narinig ng kalabitin nito ang gatilyo ng baril, bumaon ang bala sa gitna ng noo nito, kasunod ang
