HINDI ko maipaliwanag ang nararamdaman ko habang tahimik na pinapanood si Ate Cacay na nasa garden sa bahay na iyon sa Cavite—bahay na pag-aari ni Dodong. Ang pamilyang nag-ampon kay Dodong ay piniling sa San Roque pa rin manatili. Sinuportahan ng ama ni Dodong kaya maganda na rin ang buhay. Ang bahay sa Cavite ay binili ni Dodong para sa pangarap na pamilyang bubuuin, iyon ang kuwento niya sa akin.
At ang kapatid kong matagal nang gusto ni Dodong ang unang babaeng inuwi niya sa bahay na iyon. Ayon pa kay Dodong, walang ideya si Ate Cacay kung sino ang totoong tumulong para makauwi ito ng Pilipinas matapos iwan na lang ng kinakasama sa tinutuluyang bahay pagkalabas sa ospital. Isang Pilipinong kapitbahay ang nagmagadang loob na tumulong—para ipahanap sa Pilipinas ang kamag-ana
