“SIGURADO ka, ‘Dong?” tanong ko kay Dodong Puti matapos siyang tumangging matulog sa bahay ng mga Verracia.
Si Ate Mimay ay nagmadaling bumalik sa bahay kanina. Kailangan niyang magluto nang maayos dahil sa biglaang pagdating ni Sir Rolf. Kung kaming dalawa lang ay ayos na ang de lata. Mas maraming oras ang ilalaan namin sa kuwentuhan kaysa sa pagluluto.
“Sigurado,” sagot ni Dodong Puti. “Ayokong magkautang na loob sa amo mong ang taas, ‘men!” at tumawa siya. Naalala ko ang mga usapan namin noong sakay pa ako ng kinakalawang niyang tri-bike para ihatid sa eskuwelahan. Pati payong niya sira pero ipinapagamit pa rin sa akin na para bang ang puti ko kaya hindi dapat mainitan. “Hindi ko ma-reach ang angas ni boss!”
“‘Uy hindi naman,” salungat ko. “Mabait si Sir Ro
