Sandaling napako ang paningin ko sa magkahawak naming kamay ni Diego.
"Ako na ang maglalaba. Baka magasgas pa 'yang malambot mong kamay," sabi niya at sinuksok sa bulsa niya ang towel.
Napailing ako. "Bahala ka..." nasabi ko na lang, saka binuksan ang pinto.
"Salamat Diego," wika ko pa bago sinara ang pinto at patakbong nagpunta sa shop.
Ang lakas na talaga kasi ang ulan. Nilingon ko pa ang kotse ni Diego na nasa parking space pa rin.
"Maulan na umaga, Vianna May," masiglang bati ni Mang Damian.
"Magandang umaga, Mang Damian," nakangiting bati ko sa matanda. "Ano na ang balita kay Gino, Mang Damian?" tanong ko sabay ang pagtiklop ng payong at nilagay iyon sa umbrella stand.
"Wala pa rin talaga akong balita sa kan'ya. Alalang-alala na nga ako sa batang 'yon."
"Huwag na po ka
