***Mira POV***
BUMABA ako ng hagdan at dumiretso sa kusina. Naabutan ko si papa na naghihimay ng malunggay sa mesa na isasahog sa tinola. Para yun sa akin. Ang sabi ni mama ay maganda daw ang malunggay sa buntis. Pampagatas daw ito. Para daw marami akong gatas para kay baby paglabas nya.
Dumiretso ako sa ref at kinuha ang tumbler ko. Binuksan ko yun at uminom habang nakatingin kay papa na seryoso sa paghihimay ng malunggay. May suot pa syang salamin.
"Nasaan po si mama, pa?" Tanong ko.
Tumingin sa akin si papa. "May binili lang sa tindahan. Pero malamang matatagalan pa yun bumalik. Alam mo naman ang mama mo, kapag may nakitang tsismisan nag i-stop over."
Natawa ako sa sinabi ni papa. Pero totoo yun. Napapa-stop over talaga si mama kapag may umpukan.
"May kailangan ka ba? May ipa
