نبض السيف

البارت التامن

Part 8

#نبض_السيف

الدكتور بيكلم هشام : انت خفيت وهتطلع خلاص... مبروك..

هشام بص على اميره وقاله طيب وهى ؟!

الدكتور : ادعيلها...مفيش فى ايدينا غير الدعاء...

هشام خرج وطلع راح مكتب الدكتور وقاله...

هشام : عاوز اتبرع بالبلازما بتاعتى ليها...

الدكتور : فصيله دمك مش متطابقه مع فصيله دمها للأسف...

( لا نشعر بضياع أحب الأشخاص الى قلوبنا ...إلا بعد فوات الأوان..فجميعُنا مغيبون )

خرج من عند الدكتور وهو بيدور على حل مش قادر يقف ساكت...

ركب عربيته وهو بيفكر بسرعه لقى امنيه بتتصل عليه مردش...فضلت ترن كتير رد بعصبيه...

هشام : الو يا امنيه..

امنيه : عامل ايه ؟

هشام :طلعت من المستشفى..

امنيه بخوف : ورايح فين ؟

هشام : جاى عندكم...

قالها كدا وكان قاصده انه رايح لباباها يفسخ الخطوبه..

امنيه بخوف : انت جاى بجد ؟

طيب جاى ازاى؟

طيب انت عارف ان بابا سنه كبير وممكن يتعدى منك..

بلاش تيجى احسن.