Chapter 15
Jennifer
Tahimik ang buong silid. Tanging tunog ng monitor at mahinang huni ng aircon ang maririnig. Nakatayo lang ako sa tabi ni Zoey. Hindi alam kung dapat bang lumapit o manatiling nakadikit sa pader.
Si Raydin ay nakatayo rin sa gilid ng pintuan, tila nag-aalangan. Ilang sandali pa’y tumikhim siya nang marahan.
“Jennifer,” aniya. “Iiwan muna kita rito. May kailangan lang akong asikasuhin.”
Napatingin ako sa kanya. “Saan ka pupunta?”
“May kailangang lang akong ayusin. At tatawagan ko rin ‘yung doctor-in-charge ni Zoey para masabayan ang readings ng vitals niya ngayon. Pero babalik ako kaagad.”
Tumango lang ako kahit may kaba pa rin sa dibdib ko. Hindi ko alam kung tama bang manatili pa ako rito, pero ni hindi ko rin kayang lumabas.
Tinitigan ako ni Raydin, parang gus
