“Hija, sigurado ka na hindi ka sasama pumunta sa lola mo ngayon?” tanong ni Lyka sa anak. Noong isang araw pa ito nagsabi sa kanya na dadalaw sila sa lola niya para ipaalam ang nalalapit nilang kasal ni Quieno. Ngunit abala si Angel sa boutique niya.
“Yes, mom. I’m sorry. Sobrang busy sa shop ngayon. Lalo pa at araw ng mga puso. Baka hindi kayanin ni Flora ang dagsa ng mga tao.” tumango na lamang si Lyka.
“Sige, hija. Basta mag-message ka kapag gusto mong humabol. Ipasusundo kita sa pinsan mong si Chili.” gusto sanang umiling ni Angel ngunit matapos magpaalam ni Lyka ay tumalikod na ito kaagad.
“Naku, huwag lang mabanggit ni Mommy na baka magbago isip ko. Tsk.” naiiling niyang bulong. Si Chili ay ang makulit niyang pinsan na kaedadaran niya lang. Madalas itong magpanggap noon na boyfrie
