Ayumi
ILANG buntonghininga na ang aking ginawa habang nakapalumbaba sa harap ng lamesa.
"Ayumi, ibaba mo nga 'yang kamay mo," inis na wika sa 'kin ni mommy dahil sa aking ginagawa.
Agad ko namang tinanggal ang aking kamay saka muling sumubo ng pancake na nasa aking harapan.
"Ano bang nangyayari sa 'yo, anak? Kanina ko pa napapansin na tulala ka d'yan."
"W-Wala naman po, ma. Sorry," tugon ko saka pilit na ngumingiti.
Ang totoo, kanina ko pa iniisip kung paano ako kukuha ng lakas ng loob para sabihin kay Jake ang nararamdaman ko. Hindi ko nga alam kung tama ba na isipin ko pa ito dahil hindi naman siya big deal, pero hindi ko kasi maiwasan.
Pakiramdam ko ay kapag hindi ko ay mababaliw na ako dahil dito.
Nang matapos kumain, mag-aayos na sana ako ng sarili ngunit naalala kong wala nga
