Ayumi
ANIMOY naglalagari ng sahig si daddy dahil sa pabalik-balik na lakad sa aming harapan ni mommy.
Kasalukuyan kaming nakaupo sa sofa rito sa salas at sinabi ko na rin ang aking problema. Nakita na rin nila ang bagay na naka-post sa social media, binato na rin nila ang galit sa akin.
Hindi ko alam kung ilang oras na akong umiiyak. Simula nang malaman nila mommy ang nangyari, hindi ko na maawat pa ang aking luha. Pilitin man akong pakalmahin ni mommy, hindi ko pa rin magawang kumalma.
"Ma, Pa. Sorry po. Sorry po talaga at na-disappoint ko kayo," wika ko saka muling bumulalas sa pag-iyak.
Naramdaman ko ang paghagod ni mommy sa aking likod.
"Tahan na. Naniniwala naman kami sa 'yo ni daddy mo. Ang sa 'min lang, bakit hindi ka man lang nagpaalam at wala kang sinabi pag-uwi mo."
"Tama
