EPISODE 16
Habang nasa byahe ako pauwi sa bahay ni Primo ay hindi mawala sa isip ko itong family picture namin na mayroon akong kasama maliban sa akin at kay Leng. Napapa-isip pa rin ako kung sino ito pati na rin sa totoong mukha ng nanay ko na buong buhay na yatang itinago ni Papa sa akin.
"Ate!"
Humulma kaagad ang mga ngiti sa labi ko nang makababa ako sa sasakyan dahil si Leng ang sumalubong sa akin na hawak-hawak ang cellphone na ibinigay sa kaniya ni Primo. "Leng, baka naman walang tigil iyang paglalaro mo, ha? Masama sa mata ang radiation na naidudulot niyan kaya dahan-dahan ka lang."
"Opo, Ate. Hindi ko naman po 'to masyadong ginagamit at marami akong assignments."
"That's good." Hinaplos ko na ang kaniyang pisngi. "Si Kuya Primo mo, nandito na ba?"
"Wala pa, Ate, pati si Ku
