10
1842 Words
بعد مرور ساعتين هبطت الطائرة علي أرض مصر و كان في إنتظارهما "أحمد" و"فرحه" اللذان إستقبلاهما إستقبالاً حافلاً.
_بجد هزار مش لطيف والله.
قالها "إدريس" حانقاً و أكمل: ضيعتوا عليا البطولة!
نظرت له والدته و قالت: بس **بت اللي أهم من مليون بطولة.
تلقائياً إلتفت إلي"بسنت" و إبتسم فقالت "بسنت": أبويا معرفش كل ده يا عمتي؟!
_أبوكي و أخوكي من إمبارح زهقوا يرنوا علينا و إحنا مش بنرد عليهم.. حالاً هنكلمهم عشان ميشكوش في حاجه.
قاطع حديثهم رنين الهاتف مرة أخري فقال" أحمد": إبن حلال.. أيوة يا رضوان.
_جري إيه يا "أحمد" إنتوا فين كل ده و محدش بيرد عليا ولا علي "باسل" و حتي "بسنت" تليفونها مقفول.. أنا كنت هنزل لكوا مصر من قلقي.
=إحنا بخير الحمد لله.. معلش كلنا كنا بره البيت و سايبين تليفوناتنا منعرفش إنكوا هتتصلوا.
_"فرح"ولدت أمبارح.
=بجد؟! وهي عامله إيه دلوقتي؟!
_كويسه الحمدلله.. كانت تعبانه شويه بس بقت احسن.
=طب الحمد لله.. إحنا هنستعد و ننزل البلد حالاً.. مع السلامه دلوقتي.
أنهي المكالمة و نظر إلي "فرحة" قائلاً: مب**ك يا فروحه.. بقيتي تيته للمرة التانيه.
فرحة: بجد!!.. فرح ولدت؟!
=ولدت إمبارح.. يلا عشان نسافر.. هتيجي معانا يا "إدريس"؟!
إدريس: أكيد طبعاً.
=طيب يلا بينا.
بعد نزولهم إلي البلد و الذهاب للإطمئنان علي"فرح"إستأذن"إدريس"من خاله للحديث معه مما أثار تعجبه.
_إحممم..خالي إنت عارف إني مبحبش المقدمات و الكلام الكتير فأنا هدخل في الموضوع مباشرة..أنا عايز أتجوز بسنت.
لم يخفي خاله دهشته و قال:تتجوز بسنت؟!
أومأ موافقاً و قال:بحبها أوي يا خالي.
إزدادت دهشة"رضوان"و قال:بتحبها؟!من آمتا؟!
_مش عارف..أنا جايز بحبها من زمان و محسيتش غير دلوقتي..مش عارف..بس اللي عارفه و متأكد منه إني بحبها بجد.
قاطع حديثهم دخول"أحمد" الذي جلس أمام "رضوان"و قال:أنا سيبت"إدريس"يكلمك الأول عشان تكونوا علي راحتكوا..بس دلوقتي أنا اللي عايز أطلب"بسنت"منك رسمي لـ"إدريس".
قال"رضوان"حائراً:ده إنتوا كلكوا عندكوا خبر بالموضوع أهو..يا تري بسنت عارفه هي كمان و أنا آخر من يعلم!
قال"إدريس":لا يا خالي بسنت متعرفش إني هكلمك في حاجه..بس تعرف إني بحبها.
_طيب و هي؟!
"ما خلاص بقا يا أبو باسل متحبكهاش و هي و هو و مش عارف إيه..مشي الدنيا بقا"
قالتها "فرحه"التي دخلت إلي الغرفه فجأه فنظر لهم"رضوان"و قال:والله أنا متفاجئ بالموضوع ده بس أنا بحب إدريس و بحترمه فمعنديش مشاكل..أنا موافق.
تهللت أسارير إدريس و قال:يبقي نقرا الفاتحه مبدأياً كده و تشوف الميعاد اللي تحبه عشان تبقا شبكه و كتب كتاب.
_شبكه و كتب كتاب مرة واحده..إنت مستعجل كده ليه!
قال"أحمد":خير البر عاجله يا رضوان..خليهم يفرحوا.
_خلاص ننادي"رامي و كرم"و نقرا الفاتحه و كمان أسبوعين نعمل الخطوبة.
.....................................................
_آميييين.
قالها الجميع و هم يمسحون بأيديهم علي وجوههم و أول من تحدث كان"رامي".
_مب**ك يا إدريس..مب**ك يا رضوان.
رضوان:الله يبارك فيك يا رامي عقبال اولادك.
إدريس:شكراً يا خالي..الله يبارك فيك و عقبال"محمد".
نظر له"محمد"نظرة جانبية متأففة و تمتم:في حياتك إن شاءالله.
نظر"إدريس"إلي خاله"كرم"الذي يتفهمه جيداً نظرة ذات معني فقال كرم:طيب يا جماعه خلونا نقوم آحنا و نسيب العرسان مع بعض شويه.
قال محمد مستنكراً:ماهي كانت قاعده عندهم بقالها أسبوع و قبل الأسبوع أسبوعين..لزومها ايه؟!
زجره والده ب**ت فنهض علي مضض و إنصرف الجميع للخارج.
دخلت"بسنت"و جلست بجانب"إدريس"الذي قال:
_مب**ك عليا يا ست البنات..مبسوطه يا بسنت؟!
=أوي أوي يا إدريس.
_و أنا كمان مبسوط يا قلب إدريس..كلها أسبوعين و نكتب الكتاب و تبقي مدام إدريس أحمد إدريس.
=إن شاءالله..هو بابا عرف بموضوع الجزيره؟!
_ششششش..جزيرة إيه لأ طبعاً..أبوكي لو عرف ممكن ميوافقش أصلاً.
=ماشي.
_و أنا كمان.
= ان إيه؟!
_و أنا كمان ماشي.
=ماشي.
_ماشي إيه.. بقولك و أنا كمان ماشي تقولي لي ماشي.
=أومال أقوللك أيه؟!
نهض و جذبها لتقف قبالته و قال: متقوليش.. ثم إحتضنها بحب شديد و أكمل: من هنا و رايح أنا هقول كل حاجه.
تشبثت به بشدة و قالت:مش مصدقه نفسي يا إدريس.
أبعدها عنه قليلاً ثم قبّل أعلي جبينها و قال:لأ صدقي يا حبيبي..كلها أسبوعين و تبقي مراتي.
_إن شاءالله.
=يلا همشي أنا بقا لأن خالك هيفضل هنا و لازم أتابع أنا الشغل.. لولا كده كنت فضلت.
_تمام.. توصل بالسلامة.
.................................................
في اليوم التالي بالشركه.
يجلس علي مكتبه يتابع عمله بجدية شديده فإستمع إلي طرقات علي باب غرفة المكتب فأذن بالدخول و لكنه تعجب عندما رأي "تينا".
نهض مرحباً بها و أشار لها بالجلوس فقالت: إيه يبني كل الغيبه دي؟! كنت مسافر ولا إيه؟!
_أيوة سفر فجأه كده جه تبع الشغل و إتسحلت فيه.. إنتي عامله إيه؟!
رفعت أناملها أمامه لتريه خاتم خطبتها و قالت'إتخطبت.
تعجب كثيراً و قال: معقوله.! إمتا ده؟!
_بعد إختفائك بيومين.. حاولت أوصلك كتير عشان أعزمك بس معرفتش.
=و أنا كمان خطبت إمبارح.
_بتهزر!
ضحك و أومأ نافياً ثم قال: لأ.. خطبت" بسنت"بنت خالي.
_بصره يا مان.. و أنا كمان أتخطبت لـ إبن عمتي.
=دي إيه الصدف دي؟! علي العموم ربنا يتمم بخير .
_يارب و ليك إنت كمان..علي العموم انا لازم أمشي دلوقتي لأن في تمرين كمان نص ساعه..أشوفك بعدين.
=إن شاءالله..مع السلامه.
بعد خروجها من الكتب شرد أمامه يفكر و يتمتم:قد إيه إنت عظيم يا بابا.
ــــــــــــــــــــــــــــــــــــــــــــــــــــــ
بعد مرور أسبوعين نزل مجدداً إلي"البحيره" حيث موعدهم المنشود.
إستقبله الجميع بالترحيبات و التهنئات الجميلة و لكنه كان يبحث عنها وحدها.
_في الكوافير مش هنا..متدورش كتير.
برز صوت ش*يقته"فرح"فإبتسم لها بسعادة و قال: عامله إيه يا فروحه.
ناولته الصغير و قالت:الحمدلله..هلكانه بس و طلعان عيني.. خد مني "أحمد"علي ما أغير هدومي و أرجع.
_هاتي"أحمد"يا أم أحمد.
ظل يتفحص وجه الصغير الذي يشبهه و يشبه جده و قال:أهلاً يا أحمد باشا..جدع إنك طلعت شبهي و شبه جدك كده بقا هجوزك بنتي و أنا مرتاثمظر إليه مرة أخري و قال:أيوة مستغرب ليه؟!ما هي أكيد هتحبك عشان إنت شبه باباها ده لو بتفهم يعني.
و تابع:معقول يا ميدو يكون عندي من بسنت الهبله حلويات صغيرة زيك كده؟!هه يا مسهل يا رب.
إستمع إلي صوت والدته تبكي فنظر لها و قال:إيه ده يا فروحه..بتعيطي من دلوقتي؟!
_فرحانه عشانك أوي يا إدريس.
=و أنا بحبك أوي يا فرحه.
إحتضنته والدته و قالت:تعرف يا إدريس..يوم ما إنت إتولدت كنت عماله أعيط إنك جيت ولد لأن الدكتور قاللي إنه بنت و أنا كان نفسي أجيب بنات كتير من أبوك..فلما قالولي ولدتي ولد فضلت أعيط لحد ما شيلتك و خدتك في حضني لقيتني بعيط علي عياطي إني مكنتش عايزاك..كنت مولود شبه أبوك الخالق الناطق..بقيت بحبك حب مميز كده عن أي حد.
=عشان شبه أبويا؟!
_في الأول آه..بس بعدين حبيتك لشخصك يعني.
قالت الأخيرة ممازحه فضحك قائلاً:لا والله كتر خيرك.
دخل والدهم الغرفة و قال:يعني المأذون تحت و إنتوا هنا بتتسامروا؟!
علي الفور نزل الجميع إلي الأسفل و أتت العروس ثم أنهوا كتب الكتاب وسط جو مبهج تملؤه الزغاريد و المباركات.
بعد إنصراف الجميع و أثناء جلوس العروسين بمفردهما دخلت "حلا" و قالت:خالوو..جدو بيقولك يلا عشان نمشي.
_نمشي؟!و أنتي جايه معانا ولا إيه؟!
=أكيد يعني.
_أكيد يعني؟!ماشي يا "لولي"قوليله جاي.
نظر إلي زوجته و قال:ما تيجي تروحي معانا.
ضحكت و قالت:هانت..كلها6شهور و أجي معاك بتذكرة ذهاب بلا عوده.
نهض واقفاً و قال:بتتكلمي عن ال6 شهور كأنهم 6 أيام..أنا مش عارف أبوكي بيعمل فيا كده ليه؟!
_علي فكره 6شهور دول أقل حاجه..في ناس بتفضل مخطوبة سنين.
نظر لها بضعف و قال:بس أنا مش عارف أصبر يا بسنت..أنا مش عارف إنتي سحرتيلي ولا إيه؟!
نظرت إلي عيناه و قالت بصدق:لأ مش سحرالك..بس كنت بدعي ربنـاا ليل ونهار يحنن قلبك عليا و تحس بيا..و أهو إستجاب.
إحتضنها يعتصر أضلاعها بين يديه في شوقٍ جامح ثم نظر إلي عينيها اللامعتين و قال:بسنت..تسمحيلي!؟
_أسمحلك بـ إيه؟!
لم يجيبها،إقتنص شفتيها في قبلةٍ عاصفه أذهبت عقلها و جعلت كل خلايا و حواس جسدها تنتفض.
شعر أنها ستسقط صريعة بين يديه فإبتعد عنها و أسند رأسه إلى جبينها فإختطلت أنفاسها بأنفاسه مما ألهب حواسه أكثر فقال:زعلانه مني؟!
هزت رأسها بـ لا فقال لها:بصيلي يا بسنت.
أََبَت أن تنظر له من شدة خجلها فرفع وجهها بيده و قال:متت**فيش..إنتي مراتي دلوقتي يعني مفيش حاجه عيب ولا حرام.
نظرت له بوجنتين متوردتين فـ طَبع قبله رقيقه علي كلاً من وجنتيها و قال:هتوحشيني أوي.
_و إنت كمان هتوحشني أووووي.
"هيييييييه..يا جدووووو"
شهقت "حلا"بصدمة عندما رأتهم هكذا فأسرع"إدريس" يكمم فمها و نهرها فقال:بس يا "حلا"عيب كده..لما تشوفي حاجه متقوليش عليها لحد..خليكي مؤدبة.
_مش كده عيب يا خالوو!!
قالتها ببراءة فجثا علي إحدي ركبتيه ليكون بنفس مستواها و أحاطها بذراعيه قائلاً:مع إنك مش هتفهمي بس هقوللك.. دي مراتي يا لولي يعني مش عيب..العيب إنك تتكلمي في حاجات الكبار و إنك لما تشوفي حاجه تقوليها.
هزت رأسها و تمتمت معتذرة ثم نزلت آلي الأسفل فقال هو: يلا هنزل أنا قبل ما تسيطنا تحت ألا أنا عارفها ميتبلش في بؤها فوله.
إختطف قبلة صغيرة من جانب شفتيها ثم ركض مسرعاً آلي الأسفل.
ــــــــــــــــــــــــــــــــــــــــــــــــــ
بعد مرور خمس سنوات.........
يتكأ علي عصاه التي أصبحت قدمه الثالثه فـ تهرول إليه "حلا" و هي تدور حول نفسها تستعرض فستانها اللؤلؤي بسعادة بالغه و قالت: شوف يا جدو.
قال بنبرة حانية بعدما أطلق صفيراً متعجباً: يا وعدي يا وعدي.
_فرحه بتقول لي إني شبه البرنسيس!
=فرحه بردو؟! تمتم بين أسنانه: والله يا فرحه إنتي ما ليكي حظ لا في ولادك ولا في ولادهم.
_بتقول حاجه يا جدو؟!
=أيوة بقول يا جدو.. بقول إن زي ما أنا جدو هي تيته.
علت زاوية فم الصغيره و قالت بإستنكار: تيته؟!
"أيوة تيته يا أم ل**ن أطول منك"
قالتها "فرحه"وهي تصفع"حلا" علي م***ة رأسها بشده.
قاطع جدالهما اليومي دخول "إدريس"الذي قال:السلام عليكم..إنتي مبتروحيش لمامتك ليه يا"حلا" طالعه لازقه زي أمك ماشاء الله.
قال الأخيرة ضاحكاً قاصداً إغاظتها فنظرت "حلا"إليه بإستهزاء و قالت: أنا مش قاعده علي قلبك..أنا قاعده مع جدو حبيبي..هو اللي عايزني أفضل..صح يا جدو؟!
أجاب الجد وهو يحتضنها:صح يا حلا أيام جدو..ها يا إدريس عملت إيه؟!
إنتبه له"إدريس" و أجاب:كل خير يا والدي..أكبر و أول منتجع سياحي في جزيرة غير مأهوله..المستثمرين إتجننوا لمجرد سماع الفكرة بس..إن شاءلله أنا واثق إني هنجح و هعدي كمان..ولا إيه يا فروحه؟!
نظرت"فرحه"لولدها بجانب عيناها نظرة مشمئزة و قالت: بغض النظر عن إنكوا مفيش فيكوا ولا واحد محترم..العفو يا حج أحمد يعني أنا مش قصدي عليك..أنا قصدي علي الشحط ده و المفعوصه بنت بنتك..بس إنت عارف إن الموضوع ده مش نازل لي من زور.
نهض "إدريس" وجلس علي يد المقعد الذي تجلس عليه و قال و هو يحيطها بذراعيه:يا فروحه يا حبيبتي أنا فاهم و مقدر إنك بتغيري علي الجزيرة دي و كأنها من ممتلكاتك الخاصه..بس لو بصيتي للأمور من منظور مختلف....
قاطعته قائله:بقولك إيه والنبي ما تعمل زي أبوك في زمانه و تقوللي منظور و طرطور..كلمني كلام أفهمه.
قهقه عالياً بصوته الذي يشبه صوت والده و قال:أقصد إنه لو بصيتي للأمور بطريقه تانيه هتلاقي إنها حاجه في منتهي الجمال إنك تعرفي الناس علي مكان زي ده..مكان كله سحر و جمال و طبيعه..مكان نشأت فيه قصة حب أحمد أفندي و فرحه هانم!!
قالت والدته:يا راجل؟!أحمد أفندي و فرحه هانم بس؟!طب ما هو اللي لم شملك إنت و مراتك بردو.!
_يستي ماشي..المهم إنه مكان يستحق يطلع للنور..مكان فيه جمال يستاهل الناس تتمتع بيه و أكيد هيصنع قصص حب تانيه كتير.
بدا علي وجهها علامات الإقتناع و قالت:خلاص اللي تشوفوه صح إعملوه.
خرجت "بسنت"من الغرفة ببطنها المنتفخ تسير بتمهل و رفق و قالت:أنا رأيي من رأي إدريس يا عمتي..خسارة مكان بالجمال ده ميتعرفش و ياخد حقه زي أي جزيرة تانيه..يعني هو" المالديف" ولا" سيشل" ولا" بالي" أحسن من الجزيرة دي إيه؟!علي الأقل مكان جديد و موقعها كمان هيسهل علي الناس السفر سواء من خلال تركيا أو مصر.
نظر لها زوجها بإبتسامة و قال:يسلملي اللي بيشجعني ده.
إبتسمت و قالت:أوماال إيه..ده إحنا نعجب أو.......
بترت جملتها عندما أحست بألم شديد يعتصر أمعائها فهرول إليها و قال: في إيه مالك؟!
_شكلي هولد..بسرعه وديني المستشفى.
بعد مرور نصف ساعة داخل غرفة العمليات إستمعوا إلي صراخ المولود فتهللت أساريرهم جميعاً فقال "أحمد":
_حمدلله علي سلامتهم يا إدريس..اللي جابلك يخليلك يبني..ها هتسميها إيه؟!
قال"إدريس"بوجه سعيد ضاحك:
_هسميها"حياة"..حياة إدريس أحمد إدريس.
- Writer
