Parang hindi na makahinga si Anna sa sobrang pag – iyak niya. Yakap – yakap lang niya ng mahigpit ang anak niya habang nagmamadaling umalis sa bahay nila Carlos. Hindi niya maintindihan kung anong nangyari. Pinagbibintangan siya ni Carlos na niloko niya at ang malala, sinasabi nitong hindi nito anak si Miggy.
Lalo siyang napahagulgol ng maalala iyon. Lalo niyang hinigpitan ang pagkakayakap sa anak niya habang naglalakad sila palabas sa village. Awang – awa siya sa sarili niya.
“Anna, get in inside!”
Napatingin siya sa kotseng huminto sa gilid niya at nakilala niyang si Claire iyon.
Umiling lang siya at nagpatuloy sa paglalakad.
Itinigil ni Claire ang kotse at bumaba.
“Please. Get in the car. Ihahatid kita sa inyo,” sabi nito.
Lalo siyang napaiyak at walang imik na sinuno
