“Ano ba Emil? Grabe ka naman. Nagbakasyon nga tayo dito pero binitbit mo pa rin ang trabaho mo. Itigil mo na nga iyan at lumabas ka naman. Two days na tayo dito, two days ka na ding nakakulong dito sa kuwarto mo,” narinig ni Emilio na sabi ng kapatid niya.
“Sa marami akong kailangang sagutin na emails. Sige na. Lumabas ka na muna at susunod na lang ako. Where is mom?” tanong pa niya pero ang mata niya ay nakatutok sa laptop niya.
“Outside. Swimming. Sila ni dad,” sagot nito. “Lumabas ka diyan, ha? ‘Pag hindi ka pa lumabas itatapon ko ‘yang laptop mo sa dagat,” at saka lang siya iniwan ng kapatid.
Natatawa siyang itinuon uli ang pansin sa ginagawa. Pero maya – maya lang ay pinatay niya lahat ng apps sa laptop niya at tiningnan ang screensaver doon. Wala sa loob na hinaplos n
