Sinikap ni Anna na patatagin ang sarili sa harap ng babaeng abogado na nasa harap niya at nagki- claim na mapapangasawa ni Carlos. Sa isip ay minumura niya ang lalaki.
Kinuha niya ang ballpen at pinirmahan ang papel na ibinigay nito.
“Kung gusto niyang mag – asawa uli wala akong pakielam. Hindi ko kailangan ang pera niya,” sabi niya. Nakita niyang tumaas ang kilay ng babae.
“Saka, kung talagang nakakaalala na si Carlos, alam niya kung anong puwede kong gawin sa mga dumidikit na babae sa kanya. Puwede mong itanong sa kanya kung anong ginawa ko kay Ruby, kay Diana at kay Pilar. Kung ayaw mong matulad sa mga babaeng iyon, umalis ka na bago pa magbago ang isip ko,” madiin na sabi niya.
Umirap ang babae sa kanya at inimis ang mga gamit. Inilagay ang papel na pinirmahan niya sa loob
