CHAPTER FIFTY-THREE
NAGISING siya dahil sa silaw ng sikat ng araw na tumama sa kanyang mga mata. Nong mahimasmasan ay tiningnan niya ang kanyang paligid. Nasa isang kwarto siya ngayon at nakahiga sa malambot na higaan. Pero bakit ganoon? Magkaiba itsura nito sa kanyang kwarto. Bumangon siya at pumunta sa CR. Nakita niya roon ang mga shampoo at sabong panlalake. Mas nangingibabaw sa kanyang ilong ang peppermint na amoy ng buong kwartong ito. Paniguradong lalake ang nagma-may-ari ng lugar na ito.
Naalala niya kagabi. Wala naman siyang ibang kasama kagabi kundi si Ralph lang naman. At isa pa ay hindi niya pa napupuntahan ang villa nito. Doon ay nakahinga ng maluwag si Beatrice. Baka nga kay Ralph ang kwarto na ito at hindi na siya nito nagawang ihatid dahil may tama na rin ito ng alak
