GIORDAN
Pasulyap-sulyap ako sa rearview mirror para tignan si Gella na nakaupo sa backseat ng aking kotse. Hindi niya matanggal ang saya sa kanyang mga mata sa bagong sapatos at bracelet na binili ko sa kanya. Tinikom ko ang bibig ko para itago ang nararamdaman ko sa aking napagmamasdan.
“Are you alright?” Tanong ko sa kanya.
Napatingin siya sa salamin. Nagsalubong ang aming mga mata ngunit agad ko namang itinuon sa kalsada ang mga mata ko.
“Malayo pa po ba tayo, Sir?”
Binuksan ko ang aking bintana at nginitian ang guard. Narinig ko ang pagbabasa ni Gella sa pangalan ng subdivision kung saan ko binilhan ng bahay ang aking mga magulang.
“Pradera Verde…”
Sumulyap ako sa salamin at nakita ko kung paano lumiwanag ang mga mata ni Gella habang nakatingin siya sa nadaanan naming golf cours
