"Tama na Sierra, halika na at para malinisan na natin ang mga buhok natin at makapagbihis na din. Hindi naman tayo maaring ganito na papasok sa next subject natin." Sabi ni Mariz at mabuti na lamang at pina-alala nito na may pasok pa kami.
Hindi na din kami nakakain ng maayos,dahil sa b'wisit na Annika na iyon,halata naman na may kaya at hindi din basta basta ang pamilya nito,kaya nga parang walang nais umawat sa kan'ya kanina sa pambu-bully sa amin. Hinayaan namin si Drew na s'ya na ang bahala sa babaeng impakta.
"Mauuna na kami sa'yo Drew." Paalam pa ni Mariz dito.
"Sige Mariz, ikaw na muna ang bahala kay Sierra,"
Hinawakan naman ako ni Mariz sa kamay at dumiretso na muna kami sa isang banyo dito. Ang nakakainis nito ay sobrang dumi ko na din,dahil sa ibinuhos sa akin. Maging kay Ma
