***Niva POV***
PAGLABAS ng kotse ni Marcus ay agad akong tumakbo papasok sa hospital. Agad kong nakita ang kapitbahay naming si Ate Mel na mukhang sya ang nagdala dito kay Ante Val.
"Niva, mabuti at dumating ka na. Jusko! May dalawang lalaking nakabonet ang pumunta sa bahay nyo kanina at nagpaputok ng baril." Agad na balita sa akin ni Ate Mel na bakas pa rin sa mukha ang nerbyos.
"Nasaan si Ante Val, ate?"
"Nasa loob. Inaasikaso pa ng mga doctor. May tama sya sa braso."
Nanlamig ang buong katawan ko sa sinabi ni Ate Mel kasabay ng pagkabog ng malakas ng aking dibdib. Parang bigla akong nanghina at nilukob ng kaba at takot ang aking dibdib.
"Mabilis din namang umalis yung namaril. Kaya sinaklolohan na namin si Ante Val at dinala na dito agad sa hospital. Nag si-uwian na ang mga k
