***Niva POV***
PINAHID ko ang luhang nagbabantang pumatak habang nakatingin sa lapida ni mommy at daddy. Ito ang pangalawang beses na dumalaw ako pero kasama ko na ngayon si Nanay Fely, Ante Val at Marcus. May kasama din kaming mga bodyguard.
Umupo sa bermuda grass si Nanay Fely na gaya ko ay naluluha din. Hinaplos nya ang lapida ni mommy.
"Ma'am Alicia, pasensya na kung ngayon na lang ulit ako nakadalaw. Tinupad ko ang pangako ko sa inyo noong burol nyo. Heto at kasama ko pa rin si Vina. Hindi ko sya pinabayaan.."
Tuluyan ng tumulo ang luha ko sa sinabi ni Nanay Fely. Kinabig ako ni Marcus sabay halik sa aking buhok.
Hindi ko talaga mapigilang maging emosyonal ngayong kaharap ko ulit ang puntod ni mommy at daddy. Masakit na masakit pa rin ang biglaan nilang pagkawala. Sariwang sa
