Bing Fernandez
“Kuya dito na lang po.” Nanghihina kong sabi sa taxi driver nang makarating ako sa tapat ng entrance ng village sa mansion ni Lucio.
Inabot ko ang bayad ko sa driver.
“Sobra ang bayad mo, Ale.” Sambit sa akin ng driver.
“Tip mo na ‘yan ‘yung sobra, kuya.” Walang gana kong sabi.
Nakaka-offend sa totoo lang ang pagkakatawag niya sa akin ng ‘ale’. Siguro dahil mukha na akong singkwenta anyos sa paningin niya. Hindi ko rin naman siya masisisi kung gano’n ang tingin niya sa akin.
Pangit na nga ako ay lalo pa akong pumangit dahil simula pa kahapon ako walang gana at puro iyak lang ang ginawa sa villa simula nang ibalita ni Emma sa akin ang tungkol sa babaeng nakatira sa mansion ni Lucio. Kaya ngayon ay ni ngumiti ay di ko magawa at hanggang ngayon ay namamaga pa ang mata k
