Napalunok ako at biglang bumilis ang kabog ng dibdib ko. Direktang nakatingin sa akin si Ma’am Rachel. Matatalim ang mga mata nitong nakatuon sa akin.
Tumikhim si Ram at inalalayan akong tumayo.
“Natapilok lang si Leahbel,” pagdadahilan ni Ram. Mabilis akong dumistansiya sa kaniya. Nakayuko lang ako dahil natatakot akong mag-angat ng paningin. Labis akong kinakabahan dahil alam ni Ma’am Rachel ang namagitan sa amin ni Ram dati. Alam kong ramdam din niya ang kakaibang ikinikilos ng kuya niya pagdating sa akin.
“Sweetheart, kararating lang ni Rachel and she’s staying with us in our cottage,” masiglang sabi ni Miss Lalaine.
“Nagtataka lang ako kasi hindi mo yata ako inimbitahan sa outing na ito, Kuya?” nadagdagan ang kaba ko dahil dama ko ang mga nakapapasong titig ni Ma’am Rachel. Kasaba
