“Trinaydor? Ano’ng ibig mong sabihin?” gulantang kong tanong.
Pero hindi na niya ako sinagot pa at pinagmamadali na lang kaming pinasunod sa kaniya. Nagkatinginan pa kami ni Amanda dahil wala akong ideya sa mga pinagsasasabi ni Melanie. Saka paano ko naman tatraydorin ang kumpanya? Kahit sa panaginip ay hinding-hindi ko gagawin iyon!
Napalunok ako dahil pagpasok ko sa opisina ni Ram ay ang galit na mukha ng mga shareholders ang sumalubong sa akin. Biglang nangatog ang mga tuhod ko at tila nanunuot ang kakaibang lamig sa bawat himaymay ko dahil sa kaba.
“Leahbel, explain yourself,” mahinahong banggit sa akin ni Ram. Kumunot naman ang noo ko dahil hindi ko nauunawaan ang sinasabi niya.
“About what, Sir?” naguguluhang tanong ko.
“Stop playing clueless here, Miss Hendarez!” napasinghap ak
