DYLAN
Kanina lang galing ako sa bahay ni Alyana at nakapag usap kami ng maayos. Naniniwala naman ako sa lahat ng sinabi niya sa akin. Nakita at naramdaman ko naman 'yon dito sa puso ko. Aligaga ako at pilit kong hinanap ang sagot sa lahat ng mga katanungan ko pero, bigo ako wala pa rin akong maalala na kahit isang memorya patungkol sa kan'ya. Naiinis na ako sa sarili ko at hindi ko na rin nagugustuhan ang lahat ng nangyayari sa buhay ko.
Heto nagbabad na naman ako sa alak at nagpapakalasing. Halos maka ilang bote na nga ako pero, hindi pa yata ako tinatamaan. Bitbit ko ang bote nang alak at bumaba ako ng sala. Naglakad ako pababa ng hagdanan. At naupo sa sala ipinatong ko ang bote ng alak sa center table at hinanap ko ang album na may CD nang kasal naming dalawa. Agad akong tumayo para
