"Allie!"
Napalingon ako nang marinig ko ang boses ni Karlos. Napatingin ako sa taas, sa may batuhan at pababa na siya dito ngayon palapit sa akin. Naglakad ako at sinuot muli ang tsinelas ko para salubungin naman siya.
"Buti naman at nandito ka pa! akala ko ay hindi kita aabutan!"
Hindi kami masyadong nagkausap kahapon. Ilag siya at patingin-tingin kay Nygel, mukhang dahil kay Nygel ay kaya hindi na siya nakalapit. Tinititigan rin kasi siya ng huli. Alam kasi nito sa tingin at pakiramdam na gusto akong ligawan ni Karlos.
Ang alam ko ay lumipat na rin sila ng tirahan. Bago ang birthday ko. Nakabili daw sila ng bahay sa Laroz, malapit lang rin dito sa Maraveles. Ang pagkakaalam ko ay sa village na sila nakatira. Ang kuya kasi ni Karlos ay seaman, mukhang 'yon na ang ilang taon nitong pin
