Allie
Pagkauwi namin sa bahay ay naghanda ako kaagad ng pagkain namin ng lola. Maaga kami ngayon maghahapunan dahil ito ay may uwi rin siyang mga ulam. Hindi na ako nagpalit ng damit, tumungo ako kaagad sa kusina at nagbukas ng gasul, nagsalang ng pan at kinuha ang tupperware ng menudo na dala niya.
"Lola, kape ipagtitimpla kita?" tanong ko sa kaniya. Kapapasok lang niya sa kaniyang silid, siguradong magpapalit na siya ng damit.
"Sige, huwag masyadong maraming asukal."
Tumalima naman ako kaagad, pero pag-angat ko ng thermos ay wala pa lang laman. Nagsalang na rin ako ng tubig, mabuti na lang at double burner itong lutuan namin. Ang lakas ng loob ko alukin ang lola, wala pa lang tubig na mainit.
Nang makita ko na lumabas na siya ng kaniyang kwarto ay naupo naman siya sa aking gilid,
