"Ihahatid na kita pauwi."
Napatingin ako kay Shark na hinuhubad ang coat nito. Muli akong napaiwas ng tingin sa kaniya. Hindi ko siya kayang tingnan dahil sa nangyari kanina sa rooftop.
Nandito kami ngayon sa VIP hotel room. Kanina pa kami tahimik pareho, hindi ko rin kasi alam ang sasabihin ko sa kaniya at mukhang gano'n din siya sakin.
Hinalikan ko siya, ako mismo ang humalik sa kaniya pero pangalan ni Aaron ang binanggit ko, alam ko na nasaktan siya sa ginawa ko. Sino ba naman ang hindi? Kung ako ang nasa posisyon niya, talagang masasaktan din ako.
"Shark..."
Napalingon siya sakin bago isinabit ang coat niya sa sandalan ng upuan. Napalunok ako habang pinaglalaruan ang mga daliri ko. Ano ba ang dapat kong sabihin? Magsorry ba dapat ako? Pero nagsorry na 'ko sa kaniya kanina na tinan
