HUMUGOT si Belle nang malalim na paghinga para palakasin ang loob niya. Ginusto niya ito kaya dapat lang ay huwag siyang matakot.
Belle decided to meet Beast. Naisip niyang magiging maayos lang ang kasalukuyan kung pipiliin niyang balikan ang nakaraan.
Para kay Belle ay hindi closure ang pagtawag sa kanya ni Beast. Gusto at kailangan niyang makausap ito ng personal para ipaliwanag ang nangyari sa kanila. Bukod pa roon, gusto rin niyang ibalik ang pera na ibinigay nito sa kanya. She tried to contact him. Sumagot naman ito at sinabing puwede silang magkita.
Sa isang book café sila nagkasundo na magkita. Pagpunta ni Belle roon ay nagtaka pa siya nang makita na siya lang ang tao. May staff naman pero ewan ba niya pero nakakaramdam siya ng kakaibang treatment. Napaka-friendly kasi
