part 20

2214 Words

أحياناً يكون أقوى إنجازاتك بالحياة هو أنك مَازلت بِقواك العقلية، ومَازلت تتعامل بأخلاق، مع أنك مُحاط بكمية لاتُحصى مِن الحَمقى. - نجيب محفوظ ______________________________ رهبه خوف قلق وهدوء كبير يسيطر على كيان هذا آلاثر الذى لا يكاد يشعر بحياته لان جزء من قلبه بعيد عنه... جالسا على الاريكه يرجع راسه الى الخلف واضعآ يديه على راسه يكاد الالم براسه يفتك به. لقد خطط لكل شئ حتى يستعيد حبيبه قلبه بسمه... ولكنه قلق... قلق جدا يكاد القلق يزهق روحه.... يتسائل هل حبيبته بخير هل تجرؤا وفعلوا لها شئ... افكار كثيره تؤدى بروحه الى الهاويه.... يقطع سيل افكارده دلوف ماهر الى المكتب وهو يقول: آثر بيه كل حاجه جاهزه.. وزى ما حضرتك توقعت ماجد جه لحد هنا وطالب يقابل حضرتك. نظر له اثر بلا مبالاة وهو يردف: كنت متاكد انو هيجى.... اكيد عاوز يساومنى عليها.. وطبعا اتجرأ وجه هنا علشان عارف انى مش هقدر اعمله حاجه ومراتى معاهم... خليه يدخل وبلغ عمر يجهز هو والرجاله. ليخرج ماهر ويدلف ماجد الى المكتب وعلى وجهه ابتسامه خبيثه يدخل بكبرياء ويجلس مباشره على الاريكه التى فى الغرفه بينما كان آثر جالسا على الكرسى القابع خلف المكتب عندما دخل ماجد الى المكتب.. ليضع ماجد قدم فوق الاخرى وهو ينظر الى اثر بعنجهيه.. لينتهى سيل النظرات بينهم بقول ماجد: انا جاى اعرض عليك عرض يا اما تقبله او ترفض دى حاجه ترجعلك.. بس اتاكد انك لو رفضت مش هتشوف المحروسه مراتك تانى . ليبتسم اثر بخبث ويجاريه فى حديثه وهو يقول: اممم يعنى انت مجهز كل حاجه ومتاكد انى مش هرفض... ماجد: لو انت فكرت انك ترفض مراتك هتجيلك متقطعه...دا لو انت حابب يعنى. لينظر له اثر بهدوء لا ينطبق على ما بداخله من غضب لو اطلع عليه هذا الماجد القابع امامه لاحرقه ليردف: قول طلباتك من سكات. لينظر له ماجد بانتصار وهو يقول: انت عارف انا عاوز اى.. ليومئ له آثر: اه اكيد عارف....الطمع ال فيك دا هيكون سبب موتك. انا موافق....بس مراتى تطلع بره اللعبه الوسخه ال انتو بتلعبوها انت وسميه. ماجد: انا كل ال يهمنى انى اخد ال انا عاوزه.... يبقى اتفقنا... هبلغك تجينى فين تستلم مراتك... وتمضيلى على التنازل عن جميع املاكك. ليخرج بعد ذلك ماجد من المكتب وهو يظن انه هو الرابح... لاكنه لا يعلم انه يتعامل مع عاشق لو وضع العالم فى جهه وحبيبته فى جهه لاختار حبيبته ولحارب الكون من اجلها... _________________________ يعنى خلاص كل ال احنا عاوزينه هيحصل هناخد كل حاجه...انا مش مصدقه يا ماجد... ماجد: لا صدقى يا سميه كل حاجه هتبقى لينا خلاص ال تعبنا علشانه السنين دى هيتحقق وهناخد كل حاجه... انا بلغته بلمكان ال هيتم فيه التسليم وجهزت ورق التنازل مفضلش غير انه يمضى عليه بس... سميه : بس متنساش ال اتفقنا عليه... يمضى التنازل من هنا ونت تقتل ال اسمها بسمه من هنا.. انا مش طايقه البت دى لازم نخلص منها.. ماجد: اكيد يا حبيبتى هخلصك منها... اصلا هتكون الضربه ال هتقضى على ابنك... سميه: لو كان سمع كلامى من الاول مكنش حصل كل دا ..... كان لازم يقف جنبى انا مش جنب ابوه.. ماجد: ههههه طب قوليلى اذاى يقف جنبك ونتى بتخونى ابوه معايا وكمان كنتى بتخططى لقتل ابوه علشان تاخدى كل حاجه... سميه وهى تمسك يده : اى ال بتقوله دا انا عملت دا كله علشان بحبك.. كان المفروض انه يختارنى انا ...مش ابوه.. ماجد: المهم اننا هناخد كل حاجه دلوقتى وهعملك كل ال انتى عوزاه يا روحى. لتبتسم سميه بخبث وهى تقول: اكيد هيرجعله عقله لما يلاقى نفسه مش معاه حاجه خالص... وهيعرف ان ممعهوش غيرى.. لما يلاقى السنيوره ال بيحبها ميته قدام عنيه... وكمان كل الاملاك معايا... اكيد هيرجعلى. _______________________________ ازاى.. ازاى دا كله يحصل ونت متقوليش يا عمر.. صاحبه عمرى مخطوفه وكمان فى خطر على حياتها ونا قاعده هنا معرفش حاجه.. كانت هذه كلمات يارا وهى تشهق وتبكى بسبب ما سمعته من عمر فقد مضى 48ساعه على اختفاءصديقتها بسمه وهى تعرف الان... ليضمها عمر اليه وهو يقول: مكنتش عاوز اقلقك...احنا مش ساكتين والله....اثر هيرجعها وهى هتبقى كويسه صدقينى اثر مستحيل يخاطر بحياتها. لتومئ له يارا وهى تنظر اليه والى ملامح القلق الباديه على وجهه من انهيارها..لتحاول ان تتمالك نفسها من اجله...لتقول وهى تمسح دموعها: خلاص ي عم انا بس قلقانه عليها وقلبى وجعنى جدا..انت مش عارف بسمه عندى اى...دى مش صاحبتى بس دى اختى. هى لما اختفت فتره انا كنت هتجنن عليها لدرجه انى دورت عليها فبيتها وسالت جيرانهم كلهم ...ودورت عليها كتير والله ... بس الحمد لله اطمنت عليها لما جاتلى هنابعد ما اتجوزت آثر... بس انا حاسه انها مش كويسه انا قلبى واجعنى جدا ي عمر. لينظر لها عمر بقله حيله: صدقينى هترجع انا حاسس بيكى... انا لما شفت منظر اثر انهاردا وهو تايهه وهو تعبان انا كمان قلبى وجعنى على صاحبى... انا لما فكرت انك ممكن تكونى فى مكانها انا اترعبت صدقينى انا مش هستحمل دا... ليبعدها عنه وينظر مباشره فى عينيها وهو يقول: انا لازم امشى دلوقتى علشان اثر ميفضلش لوحده... وكمان اهلك ميدايقوش منى. لتؤمى له يارا بتفهم ليودعها عمر ويرحل الى صديقه لتنفيذ مخططهم وذلك لانقاذ محبوبته صديقه اثر. ________________________________ فى نفس الغرفه القذره التى كانت بها عندما اتت الى هنا ، فقد اعادوها الى نفس الغرفه مجددا ..تجلس تلك البسمه فى زاويه من زوايا الغرفه وهى تمسك بيدها قطعه من الخبز الجاف فهذا اول طعام يعطوه لها منذ يومين لتاكلها بنهم وهى تفكر: يترى انت فين يا اثر ي رب تكون بخير... ي رب احفظه مش مهم انا المهم هو...لتسقط دمعه من عينها لتتبعها اخرى وهى تشهق وتقول: يا رب انا راضيه انى اموت بس احفظهولى. ليقطع سيل أفكارها فتح الباب لتدلف سميه الى الغرفه وهى تنظر لبسمه بتقزز : هتخرجى قريب المفروض تكونى مبسوطه. لتنظر لها بسمه بغضب: مبسوطه ونتو عاوزين تقتلوا جوزى... انت ازاى ام انتى ازاى كدا انا مش مصدقه انى شفت حد زيك... انا امى لما بكح بس بتتخض عليا لما كنت بين الحياة والموت فلمستشفى بسبب ضرب ابويا ليا كانت هتموت ورايا... ونا متاكده دلوقتى انها هتتجنن عليا.. مفكرتيش فى ابنك ونتى بتعملى كل دا... مفكرتيش فربنا هتقابليه اذاى ونتى كدا... عاوزه تقتلى ابنك.. علشان اى.. علشان الفلوس يشيخه فستين داهيه الفلوس.... خدى كل حاجه وسبيه انا مش عاوزه حاجه انا عاوزاه هو بس.. لتنظر لها سميه بتعجب وهى تقول: هو انتى مستعده تسيبى كل حاجه وكل الفلوس والاملاك دى. بسمه: واسيب قدهم ميه مره بس اثر يفضل جنبى . الفلوس عمرها مكانت سبب فسعادتنا احنا ال بنعمل الفلوس.. السعاده مع ناس تفهمنا وتحبنا.. انتى عمرك ما هتفهى كلامى لانك عمرك ما حبيتى... سميه: لا طبعا انا حبيت انا بحب ماجد. لتظر لها بسمه بقله حيله وهى تقول: تقدرى تقوليلى لو خيروكى بين نفسك وبين ماجد هتختاري اى؟ سميه: اكيد نفسى. بسمه: علشان تعرفى انك عمرك ما حبتيه... انتى مبتحبيش غير نفسك.. اصحى وفوقى قبل ما يفوت الاوان وتندمى لسا قدامك انك ترجعى من الطريق ده. لتظر لها سميه وهى لاول مره تشعر حقآ بالخساره تشعر بالعجز... لتخرج من الغرفه مغلقه الباب بقوه خلفها.. لتنظر بسمه الى اثرها وهى تقول: ربنا يحفظك يا حبيبى. ________________________________ خلاص يا صاحبى جه وقت التنفيذ..الرجاله كلها جاهزه..والرائد سامح جهز كل القوات وحاليا محاوطين المكان ال فيه مراتك تحسبآ لاى حاجه تحصل.. كان هذا كلام عمر الذى يقف مع آثر الذى يستعد للخروج..للذهاب الى المكان المتفق عليه حتى يسترد حبيبته بسمه. آثر: تمام يا صاحبى انا هخرج دلوقتى. عمر: خلى بالك من نفسك يا صاحبى. ليومئ له آثر ويخرج ليستقل سيارته وينطلق الى المكان المتفق عليه. بعد نصف ساعه يصل آثر الى مكان منعزل عن المدينه شبه مهجور لينزل من سيارته. ليتجه نحو المكان الوحيد الموجود فى هذه المنطقه.. ليقوم بعض الرجال باستقباله كانوا ضخام يرتدون بدل سوداء ليردف رجل منهم: آثر بيه اتفضل معايا.. ليتبعه آثر الى الداخل.. ليقود الرجل آثر الى غرفه شبه نظيفه ليجد كلآ من ماجد وسميه يجلسون على اريكه موجوده فى هذه الغرفه .. لينهض ماجد ويتوجه بالقرب من آثر وعلى وجهه ابتسامه سمجه وهو يقول: اتمنى يكون كل ال اتفقنا عليه حصل...جيت لوحدك من غير ما تبلغ البوليس او تعمل اى حركه تكون السبب فنهايتك انت والسنيوره مراتك. آثر: انجز خلينا نخلص وبلاش كلام كتير.. مش آثر ال بتهدد. ماجد: حتى ونت تحت ايدى مش راضى تعترف انك خسران... آثر: فلنهايه هنعرف مين الخسران متستعجلش.. ماجد بغضب : انا ال **بت المره دى وانا ال هخسرك كل حاجه..انت فاهم. ليتوجه الى الاريكه بغضب ويأخذ الاوراق القابعه عليها ويتوجهه نحو آثر وهو يقول: امضى على الورق ده كله. لينظر له اثر بخبث وهو يقول: مش ماضى على حاجه...الا لما اشوف مراتى. ماجد: مراتك هتجيلك بعد ما تمضى. اثر: اظن ان كلامى واضح.....مراتى الاول. لينظر ماجد الى آثر بغضب كبير وهو يأمر الحارس الذى يقف امام الباب ان يحضر بسمه. لينصاع الحارث لاوامر ماجد وبعد دقيقه ياتى هذا الحارث وهو يجذب بسمه من زراعها وهو تحاول ان تثبت حجابها المنزوع بيدها... وهى تبكى من الالم الذى تشعر به بسبب جذب الحارث لها. ليدلف لها الى الغرفه لينظر آثر الى حال حبيبته ليتوجه اليها جاذبآ اياها الى حضنه وهى يضمها كأن روحه قد عادت له من جديد... ليبعدها عنه بعد دقيقة مجبرا على ذلك حتى يطمئن عليها وهو يقول بلهفه وقلق: حبيبتي انتى كويسه... طمنينى عليكى.. لتنظر له بسمه بقلق والم وهي تقول: انت جيت ليه عاوزين يقتلوك.. ونبى امشى علشان خاطرى امشى. آثر: متقلقيش هنخرج من هنا وكل حاجه هتبقى تمام. لينظر مباشرة فى عينيها كأنه يقول لها ثقى بى... لتومئ له بسمه باطمئنان فهى تثق به. ليقطع سيل نظراتهم ماجد وهو يقول: اطمنت خلاص... ليوجه له الاوراق وهو يقول: امضى على اوراق التنازل دلوقتي. لينظر له آثر بخبث وهو يقول: تمام همضى.. ليأخذ منه الاوراق ويمضى عليها كلها. ليقول: اظن كده تمام ... نقدر نمشى بقاا. ليسرع ماجد ويأخذ الاوراق بسعاده وهو لا يكاد يصدق انه قد اخذ كل شئ لينظر الى اثر وهو يقول: تمشى تروح فين هو دخول الحمام زى خروجه. آثر: كنت متوقع دا منك... اصل النجس هيفضل طول عمره كده. ماجد وهو يوجه السلاح على راس آثر: نهايتك على ايدى اتشهد على روحك.. آثر: هههه لسا غبى ذى ما انت وهتفضل غبى.. خرجت هذه الكلمات من فم آثر وهو يخبئ بسمه خلف ظهره وهى تبكى وتشهق من الخوف على حبيبها. ماجد: هههه الكلام ال بتقوله دا حلاوة روح صح.. لازم تقول كدا انت خلاص خسرت كل حاجه. ودلوقتى انا هقتلك. ودى نهايتك. ليرفع آثر يده لينظر الى ساعته وهو يقول لا نهايتك انت يا ماجد. لينظر له ماجد. بعدم فهم وهو يهم ان يتكلم من جديد ليقاطعه صوت اطلاق نار... لتعم الفوضى فى المكان.. ليأخذ آثر بسمه ويتوجه بها الى غرفه اخرى بعيدا عن الهرج الذى عم انحاء المكان ليتوقف اطلاق النار.. ليعم الهدوء المكان .. ليبعد آثر بسمه عنه وهو يقول لها: اششش اهدى يا حبيبتى كل حاجه خلصت خلاص .. لترفع بسمه عينيها وتنظر اليه وهى تقول: بجد يا آثر انت خلاص كويس.. وكل حاجه خلاص خلصت.. ليومى لها آثر بنعم. بسمه: بس بس انت مضيت على التنازل قدامى وكمان هو فى حراس هنا.. لتشهق بالم وهى تقول اناا خايفه عليك.. انت لازم تخرج من هنا.. آثر: اهدى يا حبيبتى...كل حاجه خلصت انا مستنى الاشاره بس علشان اتأكد ان الطريق متأمن علشان اطمن اكتر. ليتعالى صوت هاتفه فى هذه الاثناء.. ليخرجه من جيب بنطاله وهو يقول: هى دى الاشاره.. يلا بينا يا حبيبتى.. كل حاجه بقت امان يلا نخرج. بسمه وهى تمسك زراعه جاذبه اياه الى داخل الغرفه مجددا وهى تقول: لا لا يا آثر ونبى انا خايفه عليك.. ليضمها آثر الى ص*ره اكثر محاولآ ان يهدائها: بسمتى انتى بتثقى فيا صح. لتومئ له بسمه بنعم.. ليردف: يبقى اسمعى كلامى ويلا نخرج... لتومئ له بسمه بنعم ليخرجوا ويتوجهوا الى خارج هذا المكان... ليجدا كلا من عمر وماهر يقفون امام المبنى ومعهم الرجال ليتقدم الرائد سامح فى هذه الاثناء من آثر وهو يقول: حمدالله على السلامه يا آثر...خلاص قبضنا على ماجد ومراته. آثر: مش عارف اشكرك ازاى يا سامح. سامح: عيب عليك ياض دا انت صاحبى ودا واجبى....وبعدين انت اخويا مش صاحبي بس. ليقترب منهم كلآ من عمر وماهر ليقول عمر: الواحد مش مصدق انه خلص....الحمد لله انك بخير يا صاحبى انت ومراتك.. اثر:الله يسلمك يا صاحبى..انا مش عارف اشكركم ازاى كلكم. انت وماهر وسامح. ليقول ماهر: حضرتك مش مديرى فى الشغل بس يا آثر بيه.... حضرتك اخويا.. والحمد لله ان الموضوع عدى. ليسمعوا فى هذه الاثناء،صوت ماجدوهو يصيح بغضب: انتو اتجننتوا انتو مش عارفين انا مين...انا خلاص بقاا معايا كل حاجه هو مضالى على التنازل...نزل ايدك ابعدوا من عنى. ليبتسم آثر بخبث وهو يقترب من ماجد ويقول: قولتك قبل كده غبى وهتفضل طول عمرك غبى.. ماجد وهو يرفع الاوراق التى بيده وهو يصرخ ويقول: اوعى تكون فاكر انى هقعد فلسجن لا دا انا اخرج انهارده قبل بكره دا انا البسها لحته عيل صغير واخرج انا... وانت خلاص مبقاش حيلتك حاجه انت مضيت على التنازل. ليضحك آثر على هذا الغبى وهو يقول: مش قولتلك غبى... لينظر له ماجد بعدم فهم.. ليردف آثر: هو انت فاكر ان واحد زيك يقدر يمس مراتى بحاجه واسيبه ولا كمان تقدر تاخد تعب ابويا كل السنين دى بلساهل انت والست ال المفروض تكون امى.. انا كاتب كل حاجه املكها باسم عمر صاحبى... وكل حاجه متسجله وقانونى كمان.. بعنى الورق ال معاك دا ملوش اى لازمه. وكمان كل كلامك ال قلته دا متسجل من اول ما انا جيت المكان دا لحد دلوقتى وكمان لما كنت عندى فلبيت بتساومنى على مراتى.. يعنى انت القضيه لابساك ومش هتخرج منها. ليصرخ ماجد بغضب وجنون وهو يقول: مش هسيبك صدقنى هقتلك... ليبتسم آثر على هذا المغفل الذى قارب على الجنون... ليهم بالابتعاد عنه.. وهو يمسك بيد حبيبته بسمه.. ليسمه صوت كم يمقته لكونه سبب له العديد من الالم.. سميه: آثر... سامحنى يبنى... لينظر لها آثر بعيون بارده لاتحمل اى ذره من المشاعر... فقد كانت هذه المراة سبب فى معاناتة لسنين طويله. ليرحل هو وبسمه ليتوجهوا الى بيتهم فقد انتهى كل ما يمكن ان يورق حياتهم.. بينما توجه الرائد سامح بماجد وسميه الى السجن حتى ينالوا جزاؤهم.. _______________________________ اشوفكم فى البارت الجاى....هيكون الخاتمه ان شاء الله ?

Free reading for new users

Scan code to download app

App Store Google Play

Facebookexpand_more