#بنت_الأصول 《?الجزء الثاني ?》

#رواية #بنت_الأصول #البارت___الأول #بقلمي ____________________ هيا بنا نبدأ موسمنا الثاني بسم الله انتهت معانا أحداث الموسم الأول على مقتل عادل بن رجل الأعمال ماهر باشا زيان في حادث تصادم تقريبا مدبر . حيث اعترضت طريقه فجأة سيارة لوري عالطريق حاول يتفاداها او يتخطاها لكن خبطته و جه بين عجل العربية الكبيرة دي و تحطمت السيارة تحطم شبه كلي . و بعد شوية جات الشرطة و الاسعاف و بداو يحاولوا يخرجوا العربية من تحت الشاحنة الكبيرة عشان يعرفوا يطلعوا عادل منها . و في الوقت ده جه ابوه رجل الأعمال ماهر باشا زيان بسيارته الملاكي بأقصى سرعة و من وراه الحرس و معاه بنته نجلاء على مكان الحادث بعد الشرطة ما بلغتهم بالوضع . فالاب قعد ينادي ابني فين حصله ايه . فالضابط اللي واقف بيعاين مكان الجريمة قاله اهدى يا ماهر باشا و شد حيلك البقاء لله . فنجلاء صرخت و هي مصدومة و قعدت تتمتم ايه? عادل مات لا لا عاااااااااادل . والاب بدموع و حسرة على فراق ابنه الوحيد و اللي كان حامل اسم عيلته فقال للظابط وهو بيتسند على كتف بنته و العربية عادل فين عاوز اشوفه لاخر مرة . فالضابط قاله هو بالاسعاف بس للاسف مش هتعرف تشوفه لان الحادثة صعبة جدا و مش هتستحمل تشوفه ارجوك يا ماهر باشا امسك نفسك و اهدى و شد حيلك . فالاب قعد بالارض و فضل ييبكى و بنته نجلاء حضنته و فضلوا يبكوا سوى . فالظابط قاله يا ماهر بيه هو عادل كان له عداوة مع حد . فالاب سأله ليه بتقول كدا سيادتك . راح الظابط قاله لانه بصراحة شكوكنا حول بدايات البحث حول الجريمة كده بتبين انه حادث مدبر . فقاله الاب باندهاش مدبر ازاي يعني و ليه يقتلوا ابني انا بالذات ليييه . فردت نجلاء عليه و قالتله اهدى يا بابا اكيد هانعرف مين اللي عمل كدة اهدى ارجوك . _________________ #فلاش_باك قبل اكتر من شهر من الحادثة طبعا نروح عند علي بيحضر لفرحه على ست الحسن ابتسام و كل الامور ماشية تمام و مية فل و ١٤ . و جه اليوم الموعود و الكل استعد و راح القاعة و جم العرسان على نغمة العروسين و ديجهات بقا . و الكل رقص و فرح اصدقاء و احبة و معازيم و قرايب و الكل بارك و هنى و الفرح عدى على خير . و عمنا علوة اخد ابتسام بالعربية و طاروا من القاعة عالفيلا عطووول . و اول ما دخل حضنها و شالها بين ايديه و على دراعاته و طار على فوق . الواد ده مجنون و ملهوف و هيفضحنا ده طلع معندوش صبر خالص . _____________________ و نرجع سوى للايام السابقة للحادث #فلاش_باك نروح عند جاسر . جه حازم هو ابنه فارس على الشركة عند علم الدين و ابنه جاسر بعد اتمام الشراكة بينهم . فحازم قاله ايه الاخبار يا جاسر ، فجاسر قاله ببرود إجتماع مجلس إدارة الشركة بعد ١٥ دقيقة يالا بينا . و راحوا غرفة الاجتماعات . فجاسر رد عليه و قاله احنا زي مالكل عارف هندخل مشروع توليد الطاقة مع الاجانب و انا مظبط كل حاجة خاصة بالمشروع و كل واحد منكم قدامه ملف بالمشروع و الاجراءات اللي هتم عشان نقدر ندخل المشروع ده و كمان حساب الارباح و الخسارة و مشروعات الطاقة دي الخسارة فيها م**ب كمان بس احنا عاوزين ن**ب طبعا . فحازم قاله طيب النسب هتبقى اد ايه . فجاسر رد عليه و قاله كل حاجة مكتوبة في الملف اللي قدامك . فحازم قاله بس النسبة دي مش قليلة شوية . راح جاسر رد مستعجبا قليل ازاي نسبتك ٢٥% و دي نسبة كبيرة في مشروع زي ده . و بعدين احنا اتفقنا على كدة و بضيق جاسر اللي مش عاجبه الشراكة و النسب بتاعته يتفضل من الاجتماع هو عارف انه حازم مش هيرفض النسبة لانه عارف ان م**بها كبير بس حازم طمع شوية . راح حازم قاله يا جاسر الكلام ما ينفعش كده الكلام اخد و عطا يابني . راح جاسر قاله تماما يا باشا . ايه يا جماعة حد عنده اعتراض في اي حاجة . فالكل قالوا اكيد لاء . فجاسر قاله حيث كدة خلوني اشرحلكم المشروع بالتفصيل و خلص الاجتماع و الكل اتفقوا و الامور مشيت زي ما جاسر مخططلها بالظبط __________________ واللي لازم نعرفه ان جاسر له علاقات كتير بالاجانب و السفير المصري ببرلين و ده خلاه له نفوذ مع الدولة و الاجانب اكبر بكتير من علم الدين و حازم و حتى السيد منصور و احمد . فجاسر اتصل عالسفير بمكتبه الوووو سعادت السفير ازيك ايه الاخبار فرد عليه السفير و قاله تمام جاسر باشا اخبارك ايه فرد عليه جاسر و قاله انا تمام معاليك بص في موضوع عاوز اكلم معاليك فيه لو وقت سيادتك يسمح فرد عليه السفير و قاله اكيد عندي و لو مش عندي نفضي نفسنا ليك جاسر باشا انت من الشباب القليلين جدا اللي ليهم كل الاحترام و التقدير على شغلك و نشاطك داخل الدولة و خارجها . فرد عليه جاسر و قاله دي شهادة اعتز بيها من معاليك و ليا الشرف اني بانول الشرف ده عند معاليكم . فرد عليه السفير و قاله اتفضل خير ايه الموضوع يا جاسر باشا . فرد عليه جاسر و قاله شوف معاليك انتا عارف اننا داخلين في مشروع الطاقة اللي حضرتك اكيد عارفه . فرد عليه السفير و قاله اه اللي الدولة هتعمله مع الاجانب . فرد عليه جاسر تمام سعاتك و حكى للسفير عن افكارة بخصوص المشروعات دي . و السفير اعجب بافكاره و قاله افكارك كلها هندرسها كويس و ارد عليك خلال ٤٨ ساعة افكارك رائعة و هتخدم الدولة كتير جدا ما تقلقش كل حاجة هاتمشي تمام بإذن الله يا جاسر باشا . فرد عليه جاسر و قالهبإذن الله استئذن معاليك عشان ما عطلش وقت سيادتك اكتر و هاستنى من سيادتك تليفون فرد عليه السفير و قاله اكيد ان شاء الله ي باشا . _____________________ شادي بعد ماطلب نجلاء للزوج . نجلاء شادي انا عاوزة احكليك حاجة مهم بالاول . شادي خير ياقلبي حاجة ايه نجلاء بصراحة مش عارفة ابدأ منين لكن لازم تعرف بس توعدني انك ماتزعلش مني ولا تبلغ الشرطة شادي في ايه يانجلاء انتي عاوزة تقولي ايه نجلاء اوعدي الاول انك مش هتبلغ الشرطة علشان خاطري شادي انتي تعرفي مين اللي عمل فيا كدة ووصلني للحال اللي كنت فيه نجلاء حبيبي والله اسفة ماكنش بايدى حاجة اعملها لما عرفت شادي بدأ يتضايق نجلاء احكي بقا مين عمل كدة ووعد مش هابلغ الشرطة بس قولي مين اللي عمل كدة وليه نجلاء هو يعني بصراحة وسكتت شوية شادي نجلاء احكي بقا . نجلاء عادل اخويا هو اللي عمل كدة بس انت وعدتني مش هتبلغ الشرطة . شادي عادل طيب ليه عمل كدة انا عمري ما افتكر لما خلي رجالته اخدته من قدام القاعة في فرح هدى و احمد و في نفسه اه اكيد هو عرف اني انا اللي عملت كدا و بينتقم مني يعني . شادي طيب ليه ماقولتيليش من اول ماعرفتي ليه ماجتيش وحكيتي علطول ولا يعنى انتي علشان كدة اتقربتي مني وخوفتي اعرف انه هو اللي دبر الحادثة فعشان تحمي اخوكي من السجن قولتي اقرب منه واخليه يحبني علشان لما يعرف بعدين انه عادل اللي عمل كدة ما ياذيش اخويا ويدخله السجن نجلاء ايه اللي انت بتقوله ده انا عمري ما فكرت كدة خالص انا حبيتك بجد وانت عارف ده وحاسه كمان من يوم ما شوفتك وعرفتك عن قرب حبيتك وعشقتك كمان صحيح لما فكرت اروح المستشفى واشوف الشخص اللي عادل عمل فيه كدة وليه كنت رايحة بدافع حماية عادل من نفسه بالاول وحماية الشخص ده من عادل علشان ما يحاولش يؤذيه مرة تانية بس لما شوفتك حسيت بحاجة غريبة جوايا وبقيت اجي كل يوم اشوفك من غير ما حد يشوفني لحد لما انت فوقت وشوفتني وقتها حسيت انك قريب مني مش عارفة ليه وبعدين مشيت علاقتنا وحبيتك جدا انت بقيت اغلى من روحي ياشادي . شادي نجلاء يالا بينا خلينا نروح . نجلاء انت ليه بتعمل معايا كدة . شادي خلينا نمشي دلوقتي ي نجلاء أرجوكي . نجلاء طب مش هاتقول حاجة طيب قبل ما نمشي . شادي لما استوعب واروق هنحكي نجلاء حبيبي انا اسفة انا مش قصدي اخبي عليك بس خوفت اعمل ايه شادي خلاص يانجلاء نتكلم بعدين بالموضوع ده نجلاء مش هنمشي من هنا الا لما تتكلم ياشادي بقالي ساعة بدافع عن نفسي ومش زعلانة منك على فكرة بس لاني عارفة اني غلطانة اني ماقولتش ليك من الاول ومقدرة غضبك وزعلك مني بس انت عارف اني حبيتك ياشادي وخوفت اقولك تبعد عني وتفكر اني استغليتك بس عشان عادل شادي لا انتي قربتي مني شفقة بس يانجلاء لو سمحتي خلينا نمشي دلوقتي ويبقى نحكي بعدين نجلاء مابشفقش عليك ياشادي انا بحبك بحبك وبس وما فيش اي حاجة من اللي قولتها دي لكن براحتك اعمل اللي يريحك انا مش هدافع عن نفسي اكتر من كدة انت لما تهدى وتروق هاتعرف انك ظلمتني . شادي ما قالش ولا كلمة تاني وفضلوا ساكتين لحد ماوصلوا الفيلا ونجلاء مابطلتش بكى في صمت ونزلت من غير ماتقول حاجة . وحتى شادي ماحاول يتكلم ولا كلمة تانية لانه كان زعلان وغضبان جدا بس مارضيش يتكلم علشان مايقولش كلام يجرحها ويأذيها اكتر من كده . __________________ عند نجلاء رجعت البيت وهي حزينة اوي وعيونها ورامة من كتر البكى .امها شافتها بتبكي الام مالك يانوجا فيك ايه بتبكي ليه ياقلب امك نجلاء مافيش حاجة ياماما تعبانة شوية الاب تعبانة من ايه ياقلبي سلامتك نجلاء انا هبقى كويسة بس بعد اذنكم هاطلع ارتاح شوية الام لا انتي شكلك زعلانة وجامد كمان ماتنميش وانتي زعلانة كدة يحصل حاجة نجلاء انا كويسة ي ماما ما تخافيش عليا . فرد عليها الاب نوجا حبيبت بابا في ايه هو مش احنا اصدقاء قبل ما تكون علاقة اب ببنته . فردت عليه نجلاء و قالتله ايوه ي بابا بس والله ما قادرة احكي اي حاجة دلوقتي لما اروق هاحكيلك كل حاجة . فرد عليه الاب و قاله طيب يا قلب بابا زي ما تحبي . ________________ عند شادي بيفكر يا اترا اعمل ايه و فكر في كلام نجلاء و حس بأسى و حزن و فكر و بعدين قرر يكلم علي و اتصل شادي ب علي الووو علي عاوزك بموضوع ضروري . فرد عليه علي خير يا صاحبي في ايه . فشادي قاله لما اشوفك هاحكيلك كل حاجة انا مستنيك في الاستراحة اللي بنقعد فيها مع نفسنا يا علي انتا عارفها كويس . علي ماشي ياصاحبي انا جاي اهو مسافة السكة بس . شادي تمام يا علوة مستنيك . ________________ عند عادل بيكلم شخص ما عادل ايه الاخبار قدرت تعرف مين اللي ورا حرق الشاحنات بتاعتنا الشخص في كذا خيط بايدي دلوقتي بس لما اتاكد هابلغ حضرتك علطول . عادل شد حيلك معايا وليك الحلاوة بس اعرف مين ابن الكل . اللي عمل كدة . الشخص تمام ي عادل باشا __________________ علي وصل عند شادي لقاه متوتر جدا و باين عليه الزعل و الغضب فقاله خير يا شادي مالك . فشادي قاله مش عارف اعمل ايه ولا اتصرف ازاي . راح علي قاله احكي يا صاحبي و انا هساعدك .شادي هاحكيلك بس مش عاوز احمد يعرف بس برضه مش عارف ابدأ منين . فعلي قاله ليه خيير يا عم انتا بس قول ايه اللي هتحكيه و مش عاوز احمد يعرفه . فشادي قاله لانه الموضوع يخص هدى اختك و مش عاوز مشاكل ليها . فعلي قاله اختي . فشادي بص للارض و قاله ايوا . فعلي قاله انطق انتا قلقتني يا شادي في ايه . فشادي قاله بص انتا عارف الحادثة اللي اتعرضت ليها . راح علي قاله ايوا ها و بعدين راح شادي قاله هاحيلك من الاول خالص و حكاله القصة كلها . راح علي ضرب المكتب بقبضة ايده يا ابن الك،،،،، يعمل كل ده كان هيقتلك ابن ال،،،، . فشادي قاله هنعمل ايه دلوقتي انا بحب نجلاء بس بقيت حاسس انها حبتني بس عشان تحمي اخوها او شفقة عليا . فراح علي قاله بس لازم احمد يعرف ده ممكن يأذيه هو كمان و لازم ياخد باله و يحرص منه و بعدين نجلاء غير اخوها انا اعرفها من زمان لانها صديقة هدى هي مختلفة بجد و ابوها و امها ناس طيبين جدا ما فيش غير الزفت عادل ده هو اللي فرع فاسد و حاولوا كتير معاه و خصوصا اخته نجلاء بس ما فيش فايدة ديل الكلب عمره ما يتعدل ابدا . فشادي قاله معاك حق لازم احمد يعرف لانه ده إنسان حقير و مجرم كمان . فرد علي و قاله طيب خلاص خلينا نروح نحكي كل حاجة لاحمد و نشوف هنعمل ايه مع الزفت عادل ده . راح شادي قاله يالا بينا __________________ و فعلا راحوا لاحمد و حكوله كل حاجة فاحمد قال ابن اللللللل الواد ده لازم يتأدب علشان ما يفكرش يأذي حد تاني . شادي اهدى يا احمد الموضوع مش هيتحل كدة انا فعلا كنت هبلغ الشرطة بس وعدت نجلاء اني مش هاعمل كدة والا كنت حطيته بالسجن احمد لا انا مش هاسكت على حاجة زي دي ابدا ازاي اصلا يتجرأ يبص لمراتي علي هي وقتها ماكنتش لسة مراتك ياحمد احمد ازاي ياعلي لما يحاول ياذي هدى او ياذيني يوم فرحي يبقى ايه انا هروح أدبه ومحدش هيقدر يمنعني وسابهم واخد عربيته وساقها باقصى سرعة وشادي وعلي خرج وراه بسرعة لحد ماوصل على فيلا عادل ا ____________________ ووصل احمد فيلا ماهر باشا زيان ابو عادل احمد للحرس اللي قدام الباب فين الزفت اللي اسمه عادل . الحارس انت مين وعاوزه ليه احمد راح زاقق الحارس ودخل جوه الفيلا وفضل ينادي باعلى صوت انت يازفت يلي اسمك عادل. خرجوا نجلاء وابوها وامها جري على صوت الزعيق . الاب ايه ياحمد يابني في ايه عاوز عادل ليه خير . نجلاء اول ماشافت علي وشادي داخلين ورا احمد عرفت انه عرف كل حاجة . راحت لاحمد اهدى بس وخلينا نحل الموضوع بهدوء . احمد هدوء ايه يانجلاء مانتي عارفة اخوكي عمل ايه في شادي وكان ناوي يعمل ايه بهدى يوم الفرح صح ولا لاء .. الاب عادل عمل ايه يانجلاء ايه اللي تعرفيه وماحكيتيش عليه . طيب لو سمحتوا اهدوا طيب وفهموني . جه عادل لقاهم قدامه . وبكل برود ايه ده الأستاذ احمد والاستاذ شادي عندنا والأستاذ علي كمان ايه الزيارة الجميلة دي.... احمد راح مسك عادل من لياقة البدلة وشده جامد انت ازاي تتجرأ وتبص لمراتي ياقذر ازاي تتجرأ و تعمل بشادي كدة يا مجرم انتا مش عارف بتلعب مع مين يا وسخ فعادل شد نفسه من احمد جامد ما اعرفش ياحمد بيه و مش عاوز اعرف . احمد عارف يازبالة انتا لو فكرت مجرد تفكير انك تقرب او تاذي حد يخصني مهما كان هادفنك مكانك انتا فاهم . عادل لا مش فاهم وانتا اللي مش عارف نفسك بتلعب مع مين دلوقتي يابيه وابتدا عادل يخرج عن شعوره وغضبه عماه وبدا يتكلم بدون وعي . فأحمد بغضب هاقتلك و ادفنك و الدبان الأخضر ما يعرفلكش طريق جره يا حقير . فعادل رد عليه ببرود و قاله انتا اخدت حاجة ملكي و ما عاش اللي ياخد حاجة ملك عادل زيان . و انا لو عاوز اقتلك كنت قتلتك من بدري بس انا سايبك بمزاجي و هدى هاخدها منك بس في الوقت اللي انا احدده و اذا كان على شادي دي كانت قرصة ودن بس . فاحمد وشه بقى احمر جدا و عروقه برزت لبرا بسبب الغضب و راح مدي عادل بكوس و قعه على الارض و جه الحراس يتدخلوا فالاب شاور لهم ما يدخلوش . و راح مسك احمد اهدي يابني و حقك هاتاخده بالقانون . فنجلاء بصت لشادي انتا وعدتني انك مش هتسجن عادل . فالاب بص لنجلاء و قالها لا يا بنتي ده حقهم و لازم ياخدوه بس بالقانون مش بالعنف و الخناقات و القتل احنا مش بغابة . فعلي قاله معاك حق يا عمي . و احمد صرخ فيه و قاله ابنك هو اللي بدأ و البادي اظلم يا عمي . راح شادي قاله اما انا هاعرف اخد حقي منك يا عادل كويس و هدفعك تمن الخوف و القلق اللي خليت امي تعيش فيه بسببك انا وعدت نجلاء اني مش هدخلك السجن بس هاخد حقي منك بيوم من الايام و ده قريب اوي . و احمد صرخ فيه هندمك على عيشتك يا عادل و بصق من فمه و بكرة تشوف . فعادل قاله اعلى ما بخيلك اركبه انتا و شادي ما حدش هيقدر يعمل حاجة و اللي يخصني هاعرف اخده كويس . ______________ و بعد ما احمد و شادي و علي مشيوا الاب صرخ في ابنه عادل و قاله انتا ازاي تعمل كدة و كمان بتهددهم يا بجاحتك يا اخي انتا ايه يا بني رئيس عصابة و راح ضاربه بالقلم على وشه و قاله انا فعلا ما عرفتش اربي صح انتا فرع اعوج و فاسد لازم يتعدل و انا هريبك من اول جديد يا عادل ياللي للاسف ابني و بص لبنته و صرخ فيها و انتي يا نجلاء ازاي تخبي عليا كل ده ليه ما قولتليش من اول ما عرفتي . فنجلاء عيونها دمعت و قالتله خوفت عليه يا بابا و قلت يمكن يتصلح حاله و بيطل اللي بيعمله ده خوفت تعرف يجرالك حاجة و كمان خوفت عليه من السجن ده اخويا برضو . فالاب تعب جدا و وقع بالأرض و جريت عليه نجلاء و هي بتصرخ باباااااا و جري عادل ا تصل بالاسعاف و اخدوه و جريوا على المستشفى . و نجلاء بعد ما طلع الدكتور من عنده ايه يا دكتور خير بابا فيه ايه . فالدكتور قالها خير إن شاء الله بس دي بدايات جلطة و بإذن الله هتعدي على خير لانكم لحقتوه بالوقت المناسب و هيبقى كويس ان شاء الله . فنجلاء قالت الحمد لله . _________________ عند عادل بالشركة جاله اتصال من الشخص . عادل الووو ها عرفت كل حاجة ولا ايه . فرد علبه الشخص و قاله ايوا يا عادل باشا عرفت كل حاجة . ف عادل قفل مع الشخص و خرج زي المجنون من الشركة على جهة غير معلومة يا ترى ايه هي لسه مع الوقت هنعرف . و بعد كام ساعة وهو راجع على البيت طلعت قدامة عربية كبيرة لوري اعترضت طريقه فجأة فحاول يقف او يبعد بس طلعت الفرامل بايظة وا لغيارت ملعوب فيها و فجأة اصطدم بالشاحنة الكبيرة . لدرجة العربية جات تحت العجلات و اللوري و عادل جواها ______________ و نرجع #فلاش_باك تمر الايام و الامور ماشية مستقرة نوعا ما و جاسر بدا في تنفيذ مشروع الطاقة مع الاجانب و بمساعدة الدولة . و السيد منصور و معاه احمد و علي و شادي ربحوا كذا صفقة و مجموعة شركاتهم كبرت جدا بالسوق . و عادل عمل شركة لنفسه لكن لسه كل الاعيبه ما حدش عرف بيها ولا حد عارف مين برضه ورا حرق الشاحنات . و نروح عند احمد و هدى بعد اكتر من شهر من الولادة . فاحمد دخل عند هدى و قالها عاملة ايه يا قلبي اسف اتاخرت عليكي كان في شغل كتير النهاردة . فهدى قالتله عادي يا حبيبي ولا يهمك ربنا يوفقك يا قلبي . أحمد تسلميلي يا هدهدتي و راح شال البيبي من سريره و بقى يبوسه و يشمه امممم الله ريحتك مسك عنبر وحشتني اوي يا حوسحس و اخده و قعد بيه جنب هدى و نيموه في حضنهم و قال ربنا ما يحرمني منكم يا قلبي انتوا .فقالتله هدى ربنا يخليك لينا يا عمري ولا يحرمناش منك ________________ و نرجع بقا نكمل مع علي و ست الحسن ابتسام هانم . اتجوزوا و فرحوا و عدت الصباحية و سافروا قضوا شهر العسل بشرم و رجعوا لحياتهم العادية شغل بقا و مشا**ات و دلع على حبتين رومانسية على شوية تعب . فعلي قالها ابتسامتي الحلوة عازمك على العشا بره . فابتسام ردت عليه و قالتله و ماله اكل البيت يا عم علوة . فعلي قالها يا بوسبوس يا حبيبتي بقالنا مدة ما خرجناش بسبب الشغل عايزين نخرج خروجة رومانسية كده . فابتسام قالتله يسلملي الرومانسي . طيب دقايق يا حبيبي اجهز نفسي و نخرج علطول . فعلي قالها حاضر مستنيكي يا حبي يالا اوام . و عند عادل شهاب راحله الشركة الجديدة بتاعته مبروك عالشركة يا عادل باشا و ان شاء الله تبقى مجموعة شركات كبيرة يارب . فرد عليه عادل و قاله الله يبارك فيك يا شهاب اتفضل . فعادل قال للسمرتيرة ابعتيلنا اتنين قهوة يا بنتي بسرعة . فالسكرتيرة قالتله حاضر يا فندم . فشهاب رد عليه و قاله في صفقة عايزين نتممها انتا عارف الخسارة اللي خسرنها لازم نعوضها . فعادل قاله انا بس عاوز اعرف مين اللي عمل كدة و ليه . راح شهاب رد عليه بخبث اكيد هيتعرف ما تشغلش بالك انتا انا بدور في الموضوع و هاعرف قريب مين ورا ده كله . هيدور قال ابن اللئيمة . فعادل قاله صفقة ايه دي و م**بها كام و مضمونه ولا لأ . فشهاب رد عليه و قاله صفقة مضمونة مية بالمية و م**بها كبير جدا . فعادل قاله احكيلي شوقتني صفقة ايه . راح شهاب قاله بص يا سيدي دي صفقة لعب أطفال . فعادل رد عليه و قاله لعب اطفال ايه بس ! هي دي الصفقة اللي جاي تقولي عليها ي شهاب . فشهاب قاله اصبر بس أنا هاشرحلك اهو بص يا صاحبي الصفقة فيها دباديب قماش و عرايس . فعادل لوى بؤقه و قاله ايوا و احنا هنستفاد ايه بقا . فشهاب قاله ما هي العرايس و الدباديب دي هيكون فيها بودرة و انتا بشطارتك بقا و سمعة السيد الوالد هتعرف تعديلنا البضاعة . فرد عليه عادل و قاله بس دي فيها مخاطرة جامدة و لو حد حس او شك دي فيها حبس و خراب ديار . راح شهاب قاله خلي قلبك جامد انتا ادها اكيد يا دولا . فعادل قاله ماشي ربنا يستر و عند جاسر علم الدين بفرع الشركة المصري راح جاسر نادى السكرتيرة و قالها انتي يا بنتي فين الملفات الخاصة بمشروع ارض العلمين . فالسكرتيرة قالتله اهي يا فندم قدام حضرتك عالمكتب . فرد عليها جاسر فين ده ميه مرة قولت ما حدش يشيل الملفات من مكانها مفهوم ولا لاء . فردت السكرتيرة بارتباك مفهوم يا فندم مش هتتكرر سيادتك . فصرخ فيها جاسر طيب يالا غوري من وشي و ابعتيلي القهوة بتاعتي بسرعة . فالسكرتيرة برعب حاضر يا فندم اي اوامر تانية حضرتك . فجاسر رد عليها لا خلاص ما فيش . _________________ و عند شادي اتصل على نجلاء ايه يانوجا مش هنتقابل النهاردة ولا ايه الشغل واخدك مني بقالك يومين . فردت عليه نجلاء و قالتله آسفة يا حبيبي انتا عارف ضغط الشغل اليومين دول و من وقت ما عادل ساب الشركة و عمل لنفسه شركة خاصة بيه و كل حاجة مطلوبة مني زي الاول و اكتر كمان . فشادي قالها طيب و العمل ايه بالوقت انا مشتقالك و عاوز اكلمك في موضوع مهم جدا . فنجلاء قالتله خير يا قلبي موضوع ايه ده راح شادي قالها لا مش هينفع عالتليفون انا لازم اشوفك الاول . فراحت نجلاء قالتله خلاص يا شادي نتقابل بكرة ان شاء الله . فرد عليها شادي و قالها لسة بكرة كمان . فقالتله نجلاء معلهش يا شادي اسفة يا حبيبى والله غصب عني . فرد عليها شادي و قالها لا ماهو تعملي حسابك لما نتزوج إن شاء الله ما فيش الكلام ده خالص انا برضو راجل شرقي و ما اقبلش مراتي تهتم بالشغل اكتر مني . فردت عليه نجلاء و قالتله لا يا حبيبي انتا الاهم يا عمري طبعا بص خلاص نتقابل بعد الساعة (٦) اكون خلصت شغل ممكن يا قلبي . فرد عليها شادي و قالها ممكن اوي يا قلب شادي . فردت عليه نجلاء و قالتله طيب سلام يا حبي بالوقت . فرد عليها شادي و قالها سلام يا عشقي و نعود مرة تانية عند علي خرج هو و ابتسام يسهروا سهرة رومانسية مع بعض . فعلي بوسط القعدة قالها ابتسامتي الجميلة تعالي نرقص شوية على الموسيقى الحلوة دي . فابتسام ردت عليه و قالتله بس الناس تتف*ج و انا ما بحبش الجو ده ولا اتعودت عليه . فعلي قالها ناس ايه بس ما كلهم اهو بيرقصوا يالا يا قلبي بقا ما تحبكيهاش . فابتسام قالتله و هي محرجة طيب ماشي يا قلبي تعالى نجرب . فعلي بفرحة ايوا بقا و قاموا و فضل علي طول الرقصة يتغزل في ست الحسن و جمال ابتسام . وخلصوا سهرتهم و روحوا البيت و طلعوا اوضتهم . فعلي قال لابتسام بوسبوس حبيبتي نفسي في بيبي يا قلبي . فابتسام قالتله عايز بيبي دلوقتي طب استني كدا لما ادور . راح علي قالها يا سلام عليكي ياختي بتهزري طب انا زعلت منك . فابتسام ردت عليه بحنية و قالتله لا يا بيبي ما تزعلش مني ما يهونش عليا زعلك خلاص هنجيبلك البيبي حاضر . فعلي قالها طيب خدي اقولك تعالي قوليلي هنجيبه ازاااي __________________ يا ترى ايه اللي هيحصل مع هدى و احمد و البيبي . و ايه اللي هانشوفه مع علي و ابتسام و ايه اللي هيفرحهم عما قريب . و يا ترى ايه اللي هيحدث مع شمس و هل هيساعدها أخوها جاسر فعلا ام لا و ايه اللعبة اللي من ورا كده . و ايه قصة شراكة جاسر و حازم مع الدولة في مشروعات الطاقة و ايه قصة سفير مصر في برلين معاه . و يا ترى ايه اللي هيعمله فارس مع شمس و هل ستتغير الأوضاع و ينقلب الموضوع لحب ام لا . و ايه اللي هيحصل ما بين العاشقين نجلاء و شادي و هل ستحكي له كل الحقيقة بالكامل و ماذا سيفعل هل سيتقبل الأمر أم سينقلب على حبه وعشقه . و ايه اللي هيعمله الثلاثي شادي و احمد و علي مع عمنا عادل زيان بعد ما يعرفوا الحقيقة و هيحصل ايه مع عادل حتى نصل ليوم الجريمة الذي انتهينا عليها بنهاية الموسم الأول . و مين البوص ده و ايه حكايته و ايه اللي بيعمله و بيخططله شهاب النجار ده و هل ستنكشف الاعيبه و مخططاته ام سيفوت الاوان . كل هذا و أكثر هو ما سنعرفه في الحلقة المقبلة ان شاء الله . فانتظرونااا . و السلام عليكم و رحمة الله تعالى و بركاته . تحياتي الطيبة لكم جميعا❤? ...... #بقلمي