TANIELLA
Nakatulog ako ng lumabas si Ralphie. Nagising ako na madilim na sa loob ng silid at tanging lampshade na lamang ang nagsisilbing liwanag sa kwarto. Nang sulyapan ko ang digital clock ay alas diyes na ng gabi. Ang haba pala ng oras na nakatulog ako. Marahil ay dahil sa gamot na ininom ko. At kahit kumain ng hapunan ay hindi ko na nagawa. Ngayon ko tuloy naramdaman ang pangangalam ng sikmura ko.
Marahan akong bumangon ngunit napangiwi ako. Masakit pa rin ang balakang ko. Makakapasok kaya ako nito bukas?
Sinulyapan ko ang kama ngunit wala si Ralphie. Nasaan kaya ang lalaking iyon? Natanggal na kaya ang bala sa tagiliran niya?
Umalis ako sa kama. Kailangan ko kumain. Kabilin-bilinan ng magulang ko na 'wag magpapalipas ng pagkain. Hindi man lang ako ginising ni Ralphie para kuma
