TANIELLA
Kinabukasan ay maaga ako gumising. Tinanong pa ako ni Ralphie kung sigurado raw ba ako kung kaya ko ng pumasok, ang sabi ko ay wala na ako nararamdaman na masakit kahit ang totoo ay kumikirot pa rin ang balakang ko. Baka kasi ipilit niya na huwag ako pumasok kaya hindi ko sinabi ang totoo. Heto nga at tapos na ako maligo at hinihintay na lang si Ralphie na matapos sa kanyang ginagawa.
"Si Jovann at Jordan na ang bantay mo hanggat pumapasok ka sa school," he said while combing my hair. Wala na akong nagawa ng kunin niya ang suklay sa akin. Hindi ko na nagawang tumanggi ng mag-presinta siyang suklayan ako. Sinasamantala ko habang hindi pa umaatake ang kasungitan niya.
"Sige." Sumang-ayon na ako para hindi na namin pagtalunan. Isa pa, marahil ay iniisip niya ang nangyari ng nagd
