TANIELLA
Pagkahiga ko pa lang ay agad na akong nakatulog. Pakiramdam ko nga ay kung ano ang pwesto ko bago matulog ay ganon pa rin paggising ko dahil sa pagod.
Ilang segundo pa akong natulala bago bumangon. Sarado na ang bintana. Madilim na siguro sa labas. Alas kwatro ng hapon na rin kasi kami nakarating dito. Napahaba pa yata ang tulog ko. Baka hindi na ako makatulog nito mamaya.
Naghalungkat ako sa aparador na pwede kong isuot. Kung alam ko lang na pupunta kami sa isla na ito ay nagdala ako ng damit. Pero mukhang hindi na kailangan dahil may mga damit na pala rito. Tamang-tama, komportable isuot ang ganitong damit dahil malaki at hanggang tuhod ang haba. May mga underwear na rin dito. Mukhang bago ang mga ito dahil sa amoy.
Medyo ramdam ko na ang panlalagkit ng katawan ko kaya ba
