TANIELLA
Kagat ang ibabang labi ay napayuko ako. Hinila-hila ko ang damit ko. Para akong batang pinapagalitan ng magulang sa itsura ko.
"Why are you still awake? May pasok ka pa bukas, hindi ba?" matigas ang boses niyang tanong.
Paano na kaya ito? Hindi ko inaasahang siya pala ang tumatawag. Ang lakas naman ng pakiramdam niya. Alam na agad na narito ako sa library niya.
"H-hindi kasi ako makatulog kaya pinasya kong pumunta rito para maghanap ng librong babasahin," dahilan ko.
"I guess you forgot what I said that you can't go in there without me. Now, tell me, why did you disobey me?"
Lagot na. Minsan ay hindi rin ako nag-iisip. I brought my hand to my mouth and bit my nail. Tensionado na ako. Hindi ko alam kung ano pa ang paliwanag na sasabihin ko sa kanya. Ang tigas kasi ng ulo
