Maaga pa lang ay gumising na si Vangie para mag-asikaso. Mayroon kasi silang pupuntahan na birthday party ni Sheila. Balak niyang hindi muna magbukas ng tindahan ngayong araw kahit na wala siyang balak na magtagal doon. Sixteenth birthday kasi iyon ng inaanak nila ni Sheila. Anak ng dati nilang kaklase kaya marami ring magpupuntahang mga ka-batch nila. Kaya naman ay sigurado si Vangie na matatagalan siya dahil magsisilbi iyong meet-up nila ng kanyang mga ka-batch.
“Vangie! Ano na? Hindi ka pa ba ready?” tanong ni Sheila sa kaibigan. Alas syete pa lang ay andito na siya sa bahay nito, pero alas otso na ay hindi pa rin ito handa dahil sa dami ng mga ginagawa. Kaya naman ay na upo na lamang siya sa sofa nito sa sala at doon naghinintay.
“Heto na!” tugon ni Vangie mula sa kanyang silid sa i
