Chapter 73
Beatrice Celestine
PAGKABABA ng tawag, hindi na ako nag–aksaya ng oras. Mabilis ang hakbang ko pababa ng hagdan. Tumawag si Daddy. Gising na raw si Lolo Franco—thank God. Pinapapunta na kami ni DN sa ospital, hindi raw niya makontak si DN kaya sa akin tumawag.
Pagdating ko sa sala, bumungad sa akin ang tatlong bata. Nagtatawanan. Nakipagkulitan kay DN, nakaupo sa couch, mukhang bagong gising pero halatang natutunaw sa presensya ng mga anak niya.
Si Cole at Cale, salitan sa pangungulit. Si Dannie naman, nakatayo lang sa tabi niya, tahimik pero nakangiti—'yung klaseng ngiti na hindi mo mapipilit sa bata kung hindi totoo.
Napahinto ako sa gitna ng hagdanan. Sandali lang, pinagmasdan ko sila.
Totoo nga siguro 'yung sinasabi nila—na minsan kahit gaano kasakit ang nakaraan, naka
