Chapter 14
Beatrice Celestine
ILANG minuto na lang at magiging Mrs. Hayes na ako.
Everything was perfect—mula sa engrandeng dekorasyon ng simbahan, sa mga puting rosas na nakakalat sa pulang carpet, hanggang sa chandeliers na parang mga bituing nakasabit sa kisame ng simbahan. Kahit tutol si DN na ikasal kami sa simbahan at engrandeng selebrasyon, wala pa rin siyang nagawa. Nasunod pa rin ang gusto ni Lola Penelope—isang kasalang hindi lang basta maganda, kundi engrande.
Pero kahit gaano kaganda ang lahat, may bumabagabag sa puso ko. Napapangiti ako sa isip ko na makita ang groom ko.
Suot niya ang isang itim na Armani suit na mas lalong nagpalutang sa kisig niya at kagwapuhan. Hindi niya ito sinukat, pero perpektong bumagay sa kanya—parang sinadya, para talagang nakatakda para sa kan
