Chapter 64
Beatrice Celestine
HINDI ko maipaliwanag ang kabang nararamdaman ko. Siguro dahil sa excitement para mamaya.
"Contour na lang, Ma'am Beatrice," sabi ni Lala, ang head make–up artist ko, habang maingat na pinapakinis ang under–eye area ko.
I nodded, sabay mahinang ngiti. Sa salamin, nakita ko ang sarili ko. Na mukhang masaya na at kampante. Eleganteng nakaayos ang buhok ko sa isang sleek low bun, habang sinisimulan na nila ang soft glam look na akma para sa birthday celebration ko mamaya.
Ngayon ang 29th birthday ko. Sa Isla pa rin namin gaganapin ang selebrasyon—katulad ng dati. Pero this time, may twist. Dahil ipapakilala ko na rin sa lahat ang triplets. At ayon sa plano, si Brent ang ipakilala ko bilang ama nila.
Nasa tabi ko ang iPad kung saan naka–display ang script.
